മലപ്പുറം: പഞ്ചാബിനെ എതിരില്ലാത്ത ഒരു ഗോളിന് തോല്‍പിച്ച് സന്തോഷ് ട്രോഫി ഫുട്ബോള്‍ ടൂര്‍ണമെന്റില്‍ ആദ്യ ജയം സ്വന്തമാക്കി പശ്ചിമ ബംഗാള്‍. അറുപത്തിയൊന്നാം മിനുട്ടില്‍ ശുഭം ഭൗമിക് ആണ് ബംഗാളിനായി ഗോള്‍ നേടിയത്.

ഇന്ന് വൈകീട്ടാണ് ടൂര്‍ണമെന്റിന്റെ ഔദ്യോഗിക ഉദ്ഘാടനം. ആതിഥേയരായ കേരളത്തിന്റെ ആദ്യമത്സരവും ഇന്നാണ്. രാജസ്ഥാന്‍ ആണ് കേരളത്തിന്റെ എതിരാളികള്‍. രാത്രി എട്ടിനാണ്‌ മത്സരം. യോഗ്യതാ റൗണ്ടില്‍ അത്ഭുതങ്ങള്‍ കാണിച്ചാണ് രാജസ്ഥാന്‍ മലപ്പുറത്തെത്തിയത്.