തിരുവനന്തപുരം: സ്ഥാനാര്‍ഥികള്‍ക്കും വോട്ടെണ്ണല്‍ കേന്ദ്രത്തില്‍ പ്രവേശിക്കണമെങ്കില്‍ കുരുക്ക്. കൊവിഡ് നെഗറ്റീവ് സര്‍ട്ടിഫിക്കേറ്റില്ലാതെ വോട്ടെണ്ണല്‍ കേന്ദ്രത്തില്‍ സ്ഥാനാര്‍ത്ഥികളും പ്രവേശിക്കരുതെന്ന് തെരഞ്ഞെടുപ്പ് കമ്മിഷന്‍.
വോട്ടെണ്ണല്‍ കേന്ദ്രത്തിലോ, സമീപത്തോ ആള്‍ക്കൂട്ടം പാടില്ല. വോട്ടെണ്ണല്‍ കേന്ദ്രങ്ങള്‍ അണുമുക്തമാക്കണം. മൂന്ന് ദിവസം മുന്‍പ് വോട്ടെണ്ണുന്ന ഏജന്റുമാരുടെ പട്ടിക രാഷ്ട്രീയ പാര്‍ട്ടികളും സ്ഥാനാര്‍ത്ഥികളും നല്‍കണം. കൗണ്ടിങ് ഏജന്റുമാരും ആര്‍.ടി.പി.സിആര്‍ പരിശോധന നടത്തി കൊവിഡില്ലെന്ന് ഉറപ്പാക്കണമെന്നും കമ്മിഷന്റെ ഉത്തരവില്‍ വ്യക്തമാക്കി.