മലപ്പുറം:  ജില്ലയിലെ നിലവിലുള്ള മതസൗഹാര്‍ദം തകര്‍ക്കുന്ന തരത്തില്‍ എന്‍ഡിഎഫും  ആര്‍എസ്എസും നടത്തുന്ന പ്രചരണങ്ങളെയും പ്രവര്‍ത്തനങ്ങളെയും മതേതര വിശ്വാസികള്‍ ഒറ്റക്കെട്ടായി എതിര്‍ത്തു തോല്‍പ്പിക്കണമെന്നും അധികൃതര്‍ സമാധാന  അന്തരീക്ഷം നിലനിര്‍ത്താന്‍ വേണ്ട നടപടി ഉണ്ടാകണമെന്നും ജില്ലാ കോണ്‍ഗ്രസ്  കമ്മിറ്റി ആവശ്യപ്പെട്ടു. രാജീവ്ഗാന്ധിയുടെ 72-ാം ജന്മദിനം ജില്ലാ  കോണ്‍ഗ്രസ് കമ്മിറ്റി സദ്ഭാവന ദിനമായി ആചരിച്ചു. എ.പി അനില്‍കുമാര്‍  എംഎല്‍എ ഉദ്ഘാടനം ചെയ്തു. ഡിസിസി പ്രസിഡന്റ് ഇ. മുഹമ്മദ്കുഞ്ഞി  അധ്യക്ഷനായി. ഡിസിസി ഭാരവാഹികളായ പി.എ മജീദ്, ടി.കെ അലവിക്കുട്ടി,  സി.സുകുമാരന്‍, അസീസ് ചീരാന്‍തൊടി, ടി.കെ ശശീന്ദ്രന്‍, പി.സി.എ നൂര്‍, പി.പി  ഹംസ, എന്‍.എ കരീം, ബി.അലവി, എം.കെ മുഹ്‌സിന്‍ പ്രസംഗിച്ചു.