കോഴിക്കോട്: കൊവിഡ് അതിരൂക്ഷമായി വ്യാപിക്കുന്ന പശ്ചാത്തലത്തില്‍ കോഴിക്കോട് നഗരത്തിലേക്ക് പ്രവേശന നിയന്ത്രണം കര്‍ശനമാക്കി. അത്യാവശ്യക്കാര്‍ക്ക് മാത്രമാണ് നഗരത്തിലേക്ക് പ്രവേശിക്കാനാവുക. അതിര്‍ത്തികളില്‍ പൊലിസ് പരിശോധനയുണ്ടാകും. കൂടാതെ, ബൈക്കില്‍ റോന്ത് ചുറ്റിയും പൊലിസ് നടപടിയെടുക്കും.

അത്യാവശ്യക്കാര്‍ക്കും ജോലിക്ക് വരുന്നവര്‍ക്കും മാത്രമാണ് നഗരത്തിലേക്ക് പ്രവേശനം അനുവദിക്കുക. അല്ലാത്തവരുടെ വാഹനങ്ങള്‍ പിടിച്ചെടുക്കുന്നതുള്‍പ്പെടെയുള്ള നടപടിയെടുക്കും.