പാലക്കാട്: രാഷ്ട്രീയ കൊലപാതകങ്ങളില്‍ നടുങ്ങിയ പാലക്കാട്ട് നാളെ സര്‍വകക്ഷിയോഗം. മന്ത്രി കെ കൃഷ്ണന്‍കുട്ടിയുടെ നേതൃത്വത്തിലാണ് സര്‍വകക്ഷിയോഗം വിളിച്ചിരിക്കുന്നത്.

നാളെ വൈകീട്ട് കളക്ട്രേറ്റ് കോണ്‍ഫറന്‍സ് ഹാളിലാകും യോഗം. എല്ലാ രാഷ്ട്രീയ കക്ഷികളേയും യോഗത്തിലേക്ക് ക്ഷണിക്കുമെങ്കിലും ഏതെല്ലാം പാര്‍ട്ടികള്‍ പങ്കെടുക്കുമെന്ന് വ്യക്തമല്ല. എസ്.ഡി.പി.ഐയുമായി യാതൊരു സമാധാന ചര്‍ച്ചകളിലും പങ്കെടുക്കില്ലെന്ന് കഴിഞ്ഞ ദിവസം ബി.ജെ.പി നേതാക്കള്‍ പറഞ്ഞിരുന്നു.