തിരുവനന്തപുരം: അനധികൃത സ്വത്ത് സമ്പാദന കേസില്‍ സി.പി.ഐ ജില്ലാ സെക്രട്ടറി എ.പി ജയനെതിരേ പാര്‍ട്ടിതല അന്വേഷണം. നാലംഗ അന്വേഷണ കമ്മിഷനെ നിയോഗിച്ചു. അനധികൃത സ്വത്തുപയോഗിച്ച് അടൂരില്‍ ആറ് കോടി രൂപയുടെ ഫാം സ്വന്തമാക്കിയെന്ന പരാതിയിലാണ് അന്വേഷണം. നേരത്തെ സംസ്ഥാന എക്‌സിക്യുട്ടീവ് നിയോഗിച്ച ഏകാംഗ കമ്മീഷന്‍ എ.പി.ജയനെതിരായ പരാതിയില്‍ കഴമ്പുണ്ടെന്ന് കണ്ടെത്തിയിരുന്നു.

കെ.കെ.അഷ്‌റഫ്, ആര്‍.രാജേന്ദ്രന്‍, സി.കെ.ശശിധരന്‍, പി.വസന്തം എന്നിവരടങ്ങുന്ന കമ്മീഷനാണ് അന്വേഷണം നടത്തുക. ജില്ലാ പഞ്ചായത്തംഗം ശ്രീനാദേവി കുഞ്ഞമ്മയാണ് എ.പി.ജയനെതിരെ പാര്‍ട്ടിക്ക് പരാതി നല്‍കിയത്. ഇതിന്റെ അടിസ്ഥാനത്തില്‍ കെ.കെ.അഷ്‌റഫിനെ നേരത്തെ സംസ്ഥാന എക്‌സിക്യുട്ടീവ് പ്രാഥമിക അന്വേഷണത്തിനായി നിയോഗിച്ചു.