വെല്ലിങ്ടണ്‍: ടെസ്റ്റ് ക്രിക്കറ്റിലെ എക്കാലത്തെയും കരുത്തരായ ഇംഗ്ലണ്ടിനെ ഒരു റണ്‍സിന് വീഴ്ത്തി ന്യൂസിലന്‍ഡ്. വെല്ലിങ്ടണിലെ ബേസിന്‍ റിസര്‍വില്‍ നടന്ന രണ്ടാം ടെസ്റ്റിന്റെ അഞ്ചാം ദിനമായിരുന്നു ന്യൂസിലന്‍ഡിന്റെ ആവേശ വിജയം. ഫോളോ ഓണ്‍ ചെയ്യേണ്ടി വന്ന മത്സരത്തിലാണ് ഇത് പോലൊരു ത്രസിപ്പിക്കുന്ന ജയം നേടാന്‍ ന്യൂസിലന്‍ഡിനായത്.

ആദ്യ ഇന്നിങ്‌സില്‍ ഫോളോഓണ്‍ വഴങ്ങിയ ശേഷമാണ് കിവികളുടെ അവിസ്മരണീയമായ തിരിച്ചുവരവ്.ഫോളോഓണ്‍ വഴങ്ങി ടെസ്റ്റ് മത്സരം ജയിക്കുന്ന ക്രിക്കറ്റ് ചരിത്രത്തിലെ നാലാമത്തെ മാത്രം ടീമാണ് ന്യൂസിലന്‍ഡ്. ഇത്രയും ചെറിയ മാര്‍ജിനില്‍ ജയിക്കുന്ന ആദ്യത്തെ ടീമും.

രണ്ടാമിന്നിംഗ്‌സില്‍ കിവീസിനായി കിടിലന്‍ സെഞ്ചുറി നേടിയ കെയിന്‍ വില്ല്യംസണാണ് കളിയിലെ കേമന്‍. സ്‌കോര്‍: ന്യൂസിലന്‍ഡ് 209, 483 (ഫോളോ ഓണ്‍), ഇംഗ്ലണ്ട് 435/8 (ഡിക്ലയേഡ്), 256. ന്യൂസിലന്‍ഡിന്റെ ജയത്തോടെ രണ്ട് മത്സര പരമ്പര സമനിലയില്‍ (11) അവസാനിച്ചു. നേരത്തെ ആദ്യ ടെസ്റ്റില്‍ ഇംഗ്ലണ്ട് 267 റണ്‍സിന് ജയിച്ചിരുന്നു.