തിരുവനന്തപുരം: നിയമസഭ തെരഞ്ഞെടുപ്പില്‍ ചരിത്രവിജയം നേടി എല്‍.ഡി.എഫ് വീണ്ടും അധികാരത്തിലേക്ക്. 140 സീറ്റുകളിലേക്ക് നടന്ന തെരഞ്ഞെടുപ്പില്‍ എല്‍.ഡി.എഫ് 99 സീറ്റുകള്‍ നേടി. യു.ഡി.എഫ് 41 സീറ്റുകള്‍ നേടി. ഇത്തവണ എന്‍.ഡി.എ എവിടേയും അക്കൗണ്ട് തുറന്നില്ല.

2016 ലെ തെരഞ്ഞെടുപ്പിനേക്കാള്‍ മികച്ച വിജയമാണ് എല്‍.ഡി.എഫ് ഇത്തവണ നേടിയത്. കഴിഞ്ഞ നിയമസഭ തെരഞ്ഞെടുപ്പില്‍ 91 സീറ്റുകള്‍ നേടിയ എല്‍.ഡി.എഫ് ഇത്തവണ 8 സീറ്റുകള്‍ അധികം നേടി. അതേ സമയം 2016 ല്‍ 47 സീറ്റ് നേടിയ യു.ഡി.എഫ് ഇത്തവണ 41 സീറ്റാണ് നേടിയത്. നേമത്ത് അക്കൗണ്ട് തുറന്നിരുന്ന എന്‍.ഡി.എ ഇത്തവണ സീറ്റുകളൊന്നും നേടിയില്ല.