തിരുവനന്തപുരം: മണമ്പൂരില്‍ കൊലപാതകക്കേസിലെ പ്രതിയായ യുവാവിനെ സംഘം ചേര്‍ന്ന് വെട്ടിക്കൊന്നു. പത്തോളം പേരടങ്ങുന്ന സംഘമാണ് കല്ലറം തോട്ടില്‍ ജോഷിയെ വെട്ടിക്കൊന്നത്. ഇന്നു രാവിലെയാണ് നാടിനെ നടുക്കിയ സംഭവം അരങ്ങേറിയത്. ഇയാള്‍ കൊലപാതകം, മോഷണമടക്കം നിരവധി കേസുകളില്‍ പ്രതിയാണെന്ന് പൊലിസ് പറഞ്ഞു.
മുന്‍വൈരാഗ്യമാണ് കൊലയ്ക്ക് കാരണമെന്നാണ് പൊലിസിന്റെ നിഗമനം. സംഘത്തില്‍ പത്തിനടുത്ത് ആളുകള്‍ ഉണ്ടായിരുന്നെന്ന് ദൃക്‌സാക്ഷിയായയാള്‍ പൊലിസിന് മൊഴിനല്‍കിയിട്ടുണ്ട്. പ്രതികള്‍ക്കായുള്ള അന്വേഷണം പൊലിസ് ഊര്‍ജ്ജിതമാക്കി. ശരീരമാകെ വെട്ടേറ്റ ജോഷിയെ പൊലിസാണ് ആശുപത്രിയിലെത്തിച്ചത്. എന്നാല്‍ ഗുരുതരമായി പരുക്കേറ്റ ഇയാള്‍ ആശുപത്രിയില്‍വച്ച് മരിച്ചു.