കോടഞ്ചേരി: കൂരോട്ടുപാറയില്‍ നിന്ന് വീണ്ടും രാജവെമ്പാലയെ വനംവകുപ്പ് ആര്‍ ആര്‍ റ്റി സംഘം പിടികൂടി. കൂരോട്ടുപാറ തെക്കേവീട്ടില്‍ ജോണ്‍ ഡാനിയേലിന്റെ വീടിന് പുറകുവശത്തെ കെട്ടിനകത്ത് നിന്നാണ് രാജവെമ്പാലയെ പിടികൂടിയത്. വീട്ടില്‍ നിന്നും മൂന്നു മീറ്റര്‍ മാത്രം മാറിയുള്ള കെട്ടിനകത്ത് രാജവെമ്പാലയെ കണ്ടതിനെ തുടര്‍ന്ന് വനം വകുപ്പ് അധികൃതരെ അറിയിക്കുകയായിരുന്നു.

കഴിഞ്ഞമാസം 27 ന് ഇതേ സ്ഥലത്തുനിന്ന് 2 രാജവെമ്പാലകളെ പിടികൂടിയിരുന്നു. തുടര്‍ച്ചയായി രാജവെമ്പാലകളെ കാണുന്നതിനാല്‍വീട്ടുകാരും, നാട്ടുകാരും പരിഭ്രാന്തിയിലാണ്.