കുവൈത്ത് സിറ്റി: കുവൈത്തിൽ മന്ത്രവാദം നടത്തിയ യുവാവ് പിടിയിൽ. ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെൻറ് ഓഫ് കംബാസ്റ്റിം​ഗ് മണി ക്രൈംസ് പ്രതിനിധീകരിക്കുന്ന ക്രിമിനൽ സെക്യൂരിറ്റി വിഭാഗ‌‌‌‌മാണ് ഇയാളെ പിടികൂടിയത്. മന്ത്രവാദത്തിന് പുറമെ ലൈസൻസ് ഇല്ലാതെ ഇയാൾ ചികിത്സ നടത്തിയിരുന്നതായും കണ്ടെത്തിയിട്ടുണ്ട്.

ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ പരിശോധനയിൽ ഇയാൾ നിരവധി പേരെ വഞ്ചിച്ചതായും മന്ത്രവാദം നടത്തിയതായും അതോടൊപ്പം വ്യാജ ചികിത്സ നടത്തിയതായും ഉദ്യോ​ഗസ്ഥർ കണ്ടെത്തി. സംഭവത്തിൽ ഇയാൾക്കെതിരെ നടപടിക്ക് ശുപാർശ ചെയ്തു. പ്രതിക്കെതിരെ നിയമ നടപടികൾ സ്വീകരിക്കാൻ യോഗ്യരായ അധികാരികളിലേക്ക് റഫർ ചെയ്തതായി ജനറൽ ഡയറക്ടറേറ്റ് ഓഫ് സെക്യൂരിറ്റി മീഡിയ പ്രസ്താവനയിലൂടെ അറിയിച്ചു.