തിരുവില്വാമല: ബെംഗളൂരുവില്‍ നിന്ന് നാട്ടിലേക്കുള്ള യാത്രയില്‍ ട്രെയിനില്‍ നിന്നു വീണ സുഹൃത്തിനെ രക്ഷിക്കാന്‍ ശ്രമിച്ചപ്പോള്‍ വീണു ഗുരുതരമായി പരുക്കേറ്റ യുവാവിന് ദാരുണാന്ത്യം. മലേശമംഗംലം കോട്ടാട്ടുകുന്ന് നിധിനാണ്(കുട്ടു26) മരിച്ചത്. പാലക്കാട് ലക്കിടി മണ്‍പറമ്പില്‍ രഞ്ജിത്ത്(33) ട്രെയിനില്‍ നിന്ന് വീണപ്പോള്‍ രക്ഷിക്കാന്‍ ശ്രമിക്കുന്നതിനിടെയാണ് നിധിന് അപകടം പറ്റിയത്. ഗുരുതരമായി പരുക്കേറ്റ രഞ്ജിത്തിനെ സേലത്തിനു സമീപത്തെ ആശുപത്രിയില്‍ പ്രവേശിപ്പിച്ചു.

സേലത്തിനടുത്തു സോളാര്‍പേട്ട സ്റ്റേഷനു സമീപത്ത് വെള്ളിയാഴ്ച രാത്രി എട്ടരയോടെയാണ് അപകടം നടന്നത്. വിഷു അവധിക്കു നാട്ടിലേക്കു വരികയായിരുന്നു ഇവര്‍. സംസ്‌കാരം ഇന്നു പാമ്പാടി പൊതു ശ്മശാനത്തില്‍ നടക്കും.