ദുബൈ
കടുത്ത മുസ്‌ലിം വിദ്വേഷപ്രസംഗം നടത്തിയ മുൻ എം.എൽ.എ പി.സി ജോർജിന് പരോക്ഷമായി മറുപടി പറഞ്ഞ് പ്രമുഖ വ്യവസായിയും ലുലുഗ്രൂപ്പ് മേധാവിയുമായ എം.എ യൂസഫലി.

അതേക്കുറിച്ച് ഇനി പറയുന്നില്ലെന്ന് പറഞ്ഞ യൂസഫലി, സത്യം തിരിച്ചറിയാൻ മലയാളികൾക്ക് കഴിവുണ്ടെന്ന് പറഞ്ഞു. നെഗറ്റീവ് വ്യക്തികളോട് പ്രതികരിക്കുന്നത് എത്രമാത്രം കുറയ്ക്കുന്നുവോ അത്രയും ഗുണമേ ഉണ്ടാകൂവെന്ന ശ്രീബുദ്ധന്റെ ഉദ്ധരണിയും ഓർമിപ്പിച്ചു. ദുബൈയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.
യമനിൽ വധശിക്ഷ കാത്തുകഴിയുന്ന മലയാളിയായ നിമിഷ പ്രിയയുടെ നമോചനത്തിനുള്ള ശ്രമം തുടരുകയാണെന്നും യൂസഫലി കൂട്ടിച്ചേർത്തു.