കൊച്ചി: സമൂഹ മാധ്യമങ്ങളിലൂടെ നടി മഞ്ജു വാര്യരെ അപമാനിച്ചെന്ന് പരാതി. പരാതിയില്‍ എളമക്കര പൊലീസ് യുവാവിനെതിരെ കേസെടുത്തു. ഭീഷണിപ്പെടുത്തല്‍, ഐ ടി ആക്ട് വകുപ്പുകള്‍ എന്നിവ ഇയാള്‍ക്കെതിരെ ചുമത്തി.

സമൂഹ മാധ്യമങ്ങളിലെ പോസ്റ്റുകള്‍ക്ക് താഴെ അപമാനിക്കുന്ന രീതിയില്‍ കമന്റുകള്‍ ഇടുന്നുവെന്ന് മഞ്ജു വാര്യര്‍ എസിപിക്ക് മെയില്‍ മുഖേനെ പരാതി നല്‍കിയിരുന്നു.

തുടര്‍ന്ന് പൊലിസ് നടത്തിയ അന്വേഷണത്തില്‍ അപമാനിക്കുന്ന രീതിയില്‍ കമന്റുകള്‍ കണ്ടെത്തി. എറണാകുളം സ്വദേശിയായ യുവാവിനെക്കുറിച്ച് കൃത്യമായ വിവരങ്ങള്‍ പൊലിസിന് ലഭിച്ചിട്ടുണ്ട്.