ആലപ്പുഴ: നൂറനാട്ടെ സി.പി.ഐ-കോണ്‍ഗ്രസ് സംഘര്‍ഷത്തില്‍ ജില്ലാ പബ്‌ളിക് പ്രോസിക്യൂട്ടര്‍ അറസ്റ്റില്‍. മാവേലിക്കര ജില്ലാ കോടതിയിലെ പബ്‌ളിക് പ്രോസിക്യൂട്ടര്‍ അഡ്വ.സോളമനെയാണ് പൊലിസ് അറസ്റ്റ് ചെയ്തത്.
ഇദ്ദേഹം ആക്രമണത്തിന് നിര്‍ദ്ദേശിക്കുന്ന വിഡിയോ പുറത്ത് വന്നിരുന്നു. ഇതേ തുടര്‍ന്നാണ് അറസ്റ്റ്.

സി.പി.ഐ ആലപ്പുഴ ജില്ലാ കൗണ്‍സില്‍ അംഗം കൂടിയാണ് സോളമന്‍. ഈ ദൃശ്യങ്ങളുടെ അടിസ്ഥാനത്തിലാണ് സോളമനെ കേസില്‍ പ്രതി ചേര്‍ത്തത്. അതേസമയം, സംഘര്‍ഷവുമായി ബന്ധപ്പെട്ട് അഞ്ച് കോണ്‍ഗ്രസ് പ്രവര്‍ത്തകരും അറസ്റ്റിലായിട്ടുണ്ട്. സി.പി.ഐ പ്രവര്‍ത്തകരെയും പൊലിസിനെയും ആക്രമിച്ച കേസില്‍ കോണ്‍ഗ്രസ് പ്രവര്‍ത്തകരെ അറസ്റ്റ് ചെയ്തത്. ഇതോടെ കേസില്‍ അറസ്റ്റിലായ കോണ്‍ഗ്രസുകാരുടെ എണ്ണം ഏഴായി.