കുവൈത്ത് സിറ്റി: റമദാൻ അടുത്തതോടെ നി​ത്യോ​പ​യോ​ഗ സാ​ധ​ന​ങ്ങ​ളു​ടെ​യും ഭ​ക്ഷ്യ​വ​സ്തു​ക്ക​ളു​ടെയും കാര്യത്തിൽ നടപടികൾ കടുപ്പിച്ച് കുവൈത്ത് ഭരണകൂടം. റമദാൻ മാസത്തിൽ പൂഴ്ത്തിവയ്പ്പ് നടത്തുന്ന വ്യാപാര സ്ഥാപനങ്ങൾക്കെതിരെ കർശന നടപടിയുണ്ടാകുമെന്ന് അധികൃതർ അറിയിച്ചു.

റ​മ​ദാ​നി​ൽ പൂ​ഴ്ത്തി​വെ​പ്പും കൃ​ത്രി​മ വി​ല​ക്ക​യ​റ്റ​വും സൃ​ഷ്ടി​ക്കു​ന്ന​വ​ർക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്ന് പ​രി​ശോ​ധ​ന സം​ഘം മേ​ധാ​വി ഫൈ​സ​ൽ അ​ൽ അ​ൻ​സാ​രി വ്യക്തമാക്കി. റമ​ദാ​നി​ൽ ഉ​പ​ഭോ​ക്താ​ക്ക​ൾ​ക്ക് നി​ത്യോ​പ​യോ​ഗ സാ​ധ​ന​ങ്ങ​ളു​ടെ​യും ഭ​ക്ഷ്യ​വ​സ്തു​ക്ക​ളു​ടെ​യും ല​ഭ്യ​ത ഉ​റ​പ്പാ​ക്കുന്നതിനായി വാ​ണി​ജ്യ മ​ന്ത്രാ​ല​യം രാ​ജ്യ​വ്യാ​പ​ക​മാ​യി പ​രി​ശോ​ധ​നയും തുടങ്ങിയിട്ടുണ്ട്.

ഉ​ൽ​പ​ന്ന​ങ്ങ​ളി​ൽ രേ​ഖ​പ്പെ​ടു​ത്തി​യ വി​ല മാ​ത്ര​മേ ഉ​പ​ഭോ​ക്താ​ക്ക​ളി​ൽ​നി​ന്ന് ഈ​ടാ​ക്കാ​വൂ. അ​ല്ലാ​ത്ത​വ​ർക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നും നി​യ​മ​ലം​ഘ​നം ന​ട​ത്തു​ന്ന സ്ഥാ​പ​ന​ങ്ങ​ളു​ടെ വി​വ​ര​ങ്ങ​ൾ വാ​ണി​ജ്യ പ്രോ​സി​ക്യൂ​ഷ​ന് കൈ​മാ​റു​മെ​ന്നും അ​ൽ അ​ൻ​സാ​രി പറഞ്ഞു.

റമദാൻ മാസത്തിൽ ആളുകൾ കൂടുതൽ സാധനങ്ങൾ വാങ്ങുന്നതിനാൽ സാധങ്ങളുടെ പൂഴ്ത്തിവെയ്പ്പും കരിഞ്ചന്തയിൽ കൂടുതൽ വിലക്ക് വിൽക്കലും പതിവാണ്.