തിരുവനന്തപുരം: ഒളിമ്പിക്‌സ് ബാഡ്മിന്റണ്‍ മത്സരത്തില്‍ വെള്ളി മെഡല്‍ സ്വന്തമാക്കിയ പി.വി സിന്ധുവിനെ മുഖ്യമന്ത്രി പിണറായി വിജയന്‍ അഭിനന്ദിച്ചു. ഇന്ത്യക്കാകെ അഭിമാനിക്കാവുന്ന തിളക്കമാര്‍ന്ന പ്രകടനമാണ് സിന്ധു കാഴ്ചവച്ചത്. സിന്ധുവിന്റെയും സാക്ഷി മാലിക്കിന്റെയും ദീപ് കര്‍മാക്കറിന്റെയും നേട്ടങ്ങള്‍ മുന്നോട്ടുവയ്ക്കുന്ന സന്ദേശം  പ്രധാനപ്പെട്ടതാണ്.  രാജ്യത്തിന്റെ യശസുയര്‍ത്താന്‍ സ്ത്രീകള്‍ക്ക് കഴിയുമെന്ന സന്ദേശമാണ് ഇത് തെളിയിക്കുന്നതെന്നും മുഖ്യമന്ത്രി പറഞ്ഞു.