കൊച്ചി: തേവര ഫെറി ജങ്ഷനു സമീപം മാരകമായ മയക്കുമരുന്നുമായി യുവാവ് പൊലിസ് പിടിയിലായി. കൊട്ടാരപാട്ട് വീട്ടില്‍  കെ.ആര്‍ വാസുദേവന്‍ (26) ആണ് പിടിയിലായത്.
പട്ടണത്തിന്റെ വിവിധ സ്ഥലങ്ങളില്‍ കോളജ് വിദ്യാര്‍ഥികളുടെ ഇടയില്‍ മയക്കുമരുന്ന് വില്‍പ്പന നടത്തുന്നുണ്ടെന്ന് പൊലിസിനു ലഭിച്ച വിവരത്തിന്റെ അടിസ്ഥാനത്തിലാണ് പ്രതിയെ പിടികൂടിയത്.
ഇയാളില്‍ നിന്ന് 23 ഗ്രാം വരുന്ന ആറ് എല്‍.എസ്.ഡി ക്യാംപ്‌സൂളുകള്‍ പൊലിസ് കണ്ടെടുത്തു. സിറ്റി പൊലിസ് കമ്മിഷണര്‍ എ.പി ദിനേശ്, തൃക്കാക്കര അസിസ്റ്റന്റ് പൊലിസ് കമ്മിഷണര്‍ എം ബിനോയ്, ടൗണ്‍ എസ്.ഐ വിപിന്‍, എ.എസ്.ഐമാരായ ജോയ് കുമാര്‍, രാജന്‍ പിള്ള, വാവ, പൊലിസുകാരായ ആനന്ദ്, അനില്‍, സുജിത്ത്, അനീഷ് എന്നിവരടങ്ങിയ പൊലിസ് സംഘമാണ് പ്രതിയെ പിടികൂടിയത്.