HOME
DETAILS

ഒരേ വാക്‌സിന്‍ രണ്ടുവിലയ്ക്ക് വില്‍ക്കുന്നതിനെതിരേ സുപ്രിംകോടതി

  
backup
May 31 2021 | 23:05 PM

651315530


വാക്‌സിന്‍ നയത്തെയും ചോദ്യംചെയ്ത് ബെഞ്ച്
ന്യൂഡല്‍ഹി: ഒരേ വാക്‌സിന് സംസ്ഥാനങ്ങളില്‍നിന്ന് കൂടിയ വില ഈടാക്കുന്നത് എന്തടിസ്ഥാനത്തിലാണെന്ന് കേന്ദ്രത്തോട് സുപ്രിംകോടതി. കേന്ദ്രവും സംസ്ഥാനങ്ങളും നികുതിദായകരുടെ പണമാണ് വാക്‌സിന്‍ വാങ്ങാനായി ചെലവഴിക്കുന്നത്. വ്യത്യസ്ത വില ഈടാക്കുന്നത് അംഗീകരിക്കാനാവില്ലെന്നും ജസ്റ്റിസുമാരായ ഡി.വൈ ചന്ദ്രചൂഡ്, എല്‍. നാഗേശ്വര റാവു, എസ്. രവീന്ദ്രഭട്ട് എന്നിവരടങ്ങിയ ബെഞ്ച് വാക്കാല്‍ നിരീക്ഷിച്ചു. ഒരേ വിലയ്ക്ക് വാക്‌സിന്‍ നല്‍കണമെന്ന് നിരീക്ഷിച്ച കോടതി ഇതുസംബന്ധിച്ച് ഉത്തരവൊന്നും പുറപ്പെടുവിച്ചില്ല.


വാക്‌സിന്‍ വില നിര്‍ണയിക്കാനുളള അധികാരം കേന്ദ്രം എന്തു കൊണ്ട് വാക്‌സിന്‍ നിര്‍മാണ കമ്പനികള്‍ക്ക് വിട്ടു. 45 വയസ്സിന് മുകളിലുളളവര്‍ക്ക് സൗജന്യമായി നല്‍കുമ്പോള്‍ 18നും 44 നും ഇടയിലുള്ളവര്‍ പണം കൊടുത്തുവാങ്ങണം. ഇതില്‍ വിവേചനമുണ്ട്. വാക്‌സിന്‍ നയത്തില്‍ പറയുന്നത് സംസ്ഥാനങ്ങള്‍ക്ക് 50 ശതമാനം വാക്‌സിന്‍ നിര്‍മാതാക്കളില്‍നിന്ന് ലഭ്യമാകുമെന്നാണ്. ബാക്കിയുളളത് സ്വകാര്യ ആശുപത്രികള്‍ക്ക് നല്‍കണം. എന്താണ് ഇതിന്റെ അടിസ്ഥാനമെന്നും കോടതി ചോദിച്ചു. വാക്‌സിന്‍ വിതരണവുമായി ബന്ധപ്പെട്ട പ്രശ്‌നങ്ങളും ആശങ്കകളും പരിഹരിച്ച് പുതിയ സത്യവാങ്മൂലം ഫയല്‍ ചെയ്യാന്‍ രണ്ടാഴ്ചത്തെ സമയം കോടതി കേന്ദ്രത്തിന് അനുവദിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."