മേപ്പാടി: ജില്ലാ ആസ്ഥാനമായ കല്‍പ്പറ്റയില്‍ നിന്നും വടുവഞ്ചാല്‍, നാടുകാണി, പെരിന്തല്‍മണ്ണ, പാലക്കാട് വഴി കോയമ്പത്തൂരിലേക്ക് കെ.എസ്.ആര്‍.ടി.സി ബസ് സര്‍വിസ് ആരംഭിക്കണമെന്ന് യൂത്ത് കോണ്‍ഗ്രസ് മേപ്പാടി മണ്ഡലം കമ്മിറ്റി ആവശ്യപ്പെട്ടു.
ജില്ലയില്‍ നിന്നും നിരവധി ആളുകള്‍ ദിനേ കോയമ്പത്തൂരിലേക്ക് പോകുന്നത് വിവിധ ബസുകള്‍ കയറിങ്ങിയാണ്. അതിനാല്‍ നേരിട്ട് സര്‍വിസ് ആരംഭിച്ചാല്‍ ഈ പ്രശ്‌നത്തിന് പരിഹാരമാവുമെന്ന് യോഗം വിലയിരുത്തി. യൂത്ത് കോണ്‍ഗ്രസ് മണ്ഡലം പ്രസിഡന്റ് കെ.പി ഹൈദര്‍ അലി അധ്യക്ഷനായി. ജയേഷ് കോട്ടനാട്, കെ.പി യൂനസ്, പി.എം മന്‍സൂര്‍, കെ അനൂപ് കുമാര്‍, എന്‍ നോറിസ്, എന്‍ വിഷ്ണു, കെ കബീര്‍ അലി, സി.കെ ബൈജു സംസാരിച്ചു.