തിരുവനന്തപുരം: ആദ്യത്തെ പതിനഞ്ചു ദിവസം ട്രയന്‍ ക്ലാസ് ആയിരിക്കുമെന്ന് വിദ്യാഭ്യാസ മന്ത്രി വി ശിവന്‍കുട്ടി അറിയിച്ചു. ഓണ്‍ലൈന്‍ പഠനത്തില്‍ ഡിജിറ്റല്‍ വിവേചനം അവസാനിപ്പിക്കുമെന്നും മന്ത്രി വ്യക്തമാക്കി. സി.ബി.എസ്.ഇ വിദ്യാലയങ്ങളിലെ കുട്ടികള്‍ക്കുള്ള പരിഗണന പൊതുവിദ്യാലയങ്ങളിലെ കുട്ടികള്‍ക്ക് കിട്ടുന്നില്ല. 49,000 കുട്ടികള്‍ക്ക് ഇത്തവണ ഓണ്‍ലൈന്‍ പഠന സൗകര്യം ഇല്ലെന്നും വിദ്യാഭ്യാസ മന്ത്രി അറിയിച്ചു.

അതിനിടെ കൊവിഡ് വ്യാപനത്തില്‍ പഠനം വഴിമുട്ടുന്നത് സഭ നിര്‍ത്തിവെച്ച് ചര്‍ച്ച ചെയ്യണമെന്ന് ആവശ്യപ്പെട്ട് പ്രതിപക്ഷം അടിയന്തപ്രമേയത്തിന് നോട്ടിസ് നല്‍കി. ഇന്റര്‍നെറ്റ് സൗകര്യത്തില്‍ ചില ജില്ലകളില്‍ അസൗകര്യം നിലനില്‍ക്കുന്നുണ്ട്. 2.6 ലക്ഷം കുട്ടികള്‍ക്ക് മാത്രമാണ് ഓണ്‍ലൈന്‍ ക്ലാസുകള്‍ അറ്റന്‍ഡ് ചെയ്യാനുള്ള സൗകര്യമുള്ളത്. ഓണ്‍ലൈന്‍ പഠനത്തിനുള്ള സൗകര്യം ഇല്ലാത്ത കുട്ടികളുടെ വിദ്യാഭ്യാസം മുടങ്ങുന്നുവെന്നും പ്രതിപക്ഷം ചൂണ്ടിക്കാട്ടി.