കിലിയന്‍ എംബാപ്പെ പി.എസ്.ജിയില്‍ തന്നെ തുടരുമെന്ന റിപ്പോര്‍ട്ടുകള്‍ പുറത്ത് വന്നിരിക്കുകയാണ്. താരം സ്പാനിഷ് ക്ലബ്ബായ റയല്‍ മാഡ്രിഡിലേക്ക് ചേക്കേറുമെന്ന തരത്തിലുള്ള അഭ്യൂഹങ്ങള്‍ ശക്തമായിരുന്നു.
എന്നാല്‍ എംബാപ്പെ പി.എസ്.ജിയില്‍ തന്നെ തുടരാന്‍ തീരുമാനിച്ചതിനാല്‍ നിരാശയിലാണ് ഒരു വിഭാഗം ഫുട്‌ബോള്‍ ആരാധകര്‍.

എന്നാല്‍ എംബാപ്പെ റയലില്‍ എത്തിയില്ലെങ്കിലും പ്രശ്‌നമില്ലെന്നും തങ്ങള്‍ സൈന്‍ ചെയ്യാന്‍ ഉദ്ദേശിക്കുന്ന 16വയസുകാരനായ താരം എംബാപ്പെക്ക് ബദലാകുമെന്നാണ് താന്‍ വിശ്വസിക്കുന്നതെന്നും വെളിപ്പെടുത്തി രംഗത്തെത്തിയിരിക്കുകയാണ് റയല്‍ പ്രസിഡന്റായ ഫ്‌ളോറന്റീനോ പെരസ് എന്നാണ് പുറത്ത് വരുന്ന റിപ്പോര്‍ട്ടുകള്‍.

സ്പാനിഷ് മാധ്യമമായ എല്‍ നാഷണലാണ് ബ്രസീലിയന്‍ യുവതാരമായ എന്‍ട്രിക്ക് റയലിലെത്തുന്നതോടെ എംബാപ്പെയുടെ ആവശ്യം ഇല്ലെന്ന് പെരസ് അഭിപ്രായപ്പെട്ടതായി റിപ്പോര്‍ട്ട് ചെയ്തിര്ക്കുന്നത്.
2024 ജൂലൈയിലാണ് 35 മില്യണ്‍ യൂറോക്ക് എന്‍ഡ്രിക്ക് റയലിലെത്തുമെന്ന് പ്രതീക്ഷിക്കപ്പെടുന്നത്.

കൂടാതെ എംബാപ്പെ റയലിലെത്തുന്നതില്‍ നിന്ന് മുമ്പ് അവസാന നിമിഷം പിന്‍മാറിയതില്‍ പെരസിന് താരത്തിനോട് ദേഷ്യമുണ്ടെന്നും റിപ്പോര്‍ട്ടുകള്‍ ഉണ്ട്.

അതിനാല്‍ തന്നെ എംബാപ്പെയുടെ പി.എസ്.ജിയില്‍ തന്നെ നിലനില്‍ക്കാനുള്ള തീരുമാനം പെരസിനെ സംബന്ധിച്ച് സന്തോഷം നല്‍കുന്നതാണ് എന്നാണ് പുറത്ത് വരുന്ന അഭ്യൂഹങ്ങള്‍. അതിനാല്‍ തന്നെ എംബാപ്പെക്ക് താത്പര്യമുണ്ടെങ്കില്‍ തന്നെ പെരസ് പ്രസിഡന്റായിട്ടിരിക്കുന്ന കാലത്തോളം താരത്തിന് റയലിലേക്ക് എത്താന്‍ കഴിയില്ലെന്നും റിപ്പോര്‍ട്ടുകളുണ്ട്.

അതേസമയം നിലവില്‍ 31 മത്സരങ്ങളില്‍ നിന്നും 23 വിജയങ്ങളുമായി 72 പോയിന്റോയടെ ഒന്നാം സ്ഥാനത്താണ് പി.എസ്.ജി.
ഏപ്രില്‍ 22ന് ഏഞ്ചേഴ്‌സിനോടായിരുന്നു ക്ലബ്ബിന്റെ അടുത്ത മത്സരം.