റിയാദ്: കൊറോണ മഹാമാരിയെ പ്രതിരോധിക്കുന്നതുമായി ബന്ധപ്പെട്ട മുൻകരുതലുകളും പ്രതിരോധ നടപടികളും സഊദി ആഭ്യന്തര മന്ത്രാലയം പിൻവലിച്ചു. ഇതോടെ, നിലവിൽ അടഞ്ഞ സ്ഥലങ്ങളിൽ ഉൾപ്പെടെ നിർബന്ധമായിരുന്ന മാസ്ക് ഇനി മുതൽ നിർബന്ധമില്ല. എന്നാൽ, ഇരു ഹറമുകൾ മാസ്ക് ധരിക്കുന്നത് തുടരും.

കൂടാതെ, പൊതു ഇടങ്ങളിൽ പ്രവേശിക്കുന്നതിന് ആവശ്യമായിരുന്ന തവക്കൽന ആപ്പിലെ പ്രതിരോധ സ്റ്റാറ്റസ്, ആരോഗ്യ പരിശോധന എന്നിവയും ഒഴിവാക്കിയിട്ടുണ്ട്. വിവിധ കേന്ദ്രങ്ങളിൽ പ്രവേശിക്കുന്നതിനും പരിപാടികളിൽ പങ്കെടുക്കുന്നതിനും വിമാനങ്ങളിലോ പൊതുഗതാഗതത്തിലോ പ്രവേശിക്കാനും തവക്കൽന സ്റ്റാറ്റസ് ഇനി മുതൽ നിർബന്ധമില്ല.