തിരുവനന്തപുരം: നടുറോഡില്‍ വിദ്യാര്‍ഥിക്ക് ക്രൂരമര്‍ദ്ദനം. പട്ടം സെന്റ് മേരീസ് സ്‌കൂളിലെ പ്ലസ് വണ്‍ വിദ്യാര്‍ഥി ജെ ഡാനിയേലിനാണ് മര്‍ദ്ദനമേറ്റത്. മറ്റൊരു സ്‌കൂളിലെ ഇരുപതോളം വിദ്യാര്‍ഥികള്‍ ചേര്‍ന്നാണ് ഡാനിയേലിനെ മര്‍ദ്ദിച്ചത്.

ബുധനാഴ്ച്ചയാണ് സംഭവം നടന്നത്. രാവിലെ സ്‌കൂളിലേക്ക് വരാന്‍ ബസ് കാത്തുനില്‍ക്കുകയായിരുന്ന ഡാനിയേലിനെ സംഘം ചേര്‍ന്ന് വിദ്യാര്‍ഥികള്‍ മര്‍ദ്ദിക്കുകയായിരന്നു. മര്‍ദ്ദനമേറ്റ് അവശനിലയിലായ ഡാനിയേലിനെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു. കുട്ടിയുടെ ബന്ധുക്കള്‍ മെഡിക്കല്‍ കോളജ് പൊലിസ് സ്റ്റേഷനില്‍ പരാതി നല്‍കിയിട്ടുണ്ട്.

പട്ടം സ്‌കൂളിന് സമീപം ഈ വിദ്യാര്‍ഥികളെത്തിയതുമായി ബന്ധപ്പെട്ട് ഡാനിയേലുമായി തര്‍ക്കമുണ്ടായിരുന്നു. ഇതാണ് മര്‍ദ്ദനത്തില്‍ കലാശിച്ചത്.