മലപ്പുറം: മാധവവാര്യര്‍ തന്റെ ബിനാമിയാണെന്ന ആരോപണത്തില്‍ പ്രതികരിച്ച് മുന്‍ മന്ത്രി കെ.ടി ജലീല്‍. മാധവവാര്യരെ അറിയാമെന്നും അദ്ദേഹവുമായി സൗഹൃദ ബന്ധം മാത്രമാണുള്ളതെന്നും മുന്‍ മന്ത്രി വ്യക്തമാക്കി.

സ്വപ്ന സുരേഷ് മാധവ വാര്യരെ ഇതിലേക്ക് വലിച്ചിഴയ്ക്കാന്‍ കാരണം അദ്ദേഹത്തിന് എച്ച്ആര്‍ഡിഎസുമായുള്ള തര്‍ക്കമാണ്. തിരുനാവായക്കാരനായ മാധവവാര്യര്‍ മുംബൈ കേന്ദ്രീകരിച്ച് പ്രവര്‍ത്തിക്കുന്ന വ്യവസായിയാണ്. തനിക്ക് കുറച്ചുനാളുകളായി അദ്ദേഹത്തെ അറിയാം. എന്നാല്‍ സുഹൃദ് ബന്ധത്തിനപ്പുറം ഒന്നുമില്ല.

സ്വപ്നയുടെ ആരോപണങ്ങളെല്ലാം പച്ചക്കള്ളമാണ്. എച്ച്. ആര്‍.ഡി.എസ് മാധവ വാര്യര്‍ ഫൗണ്ടേഷന് പണം നല്‍കാനുണ്ടെന്ന കേസുണ്ട്. അദ്ദേഹവുമായി സൗഹൃദ ബന്ധമല്ലാതെ മറ്റു ബന്ധങ്ങളില്ലെന്നും പരിശോധിച്ചാല്‍ മനസ്സിലാകുമെന്നും സാമൂഹിക സേവനം ചെയ്യുന്ന ആളാണ് മാധവ വാര്യരെന്നും കെ.ടി ജലീല്‍ പറഞ്ഞു.