ന്യൂഡല്‍ഹി: നാഷണല്‍ ഹെറാള്‍ഡ് കേസില്‍ ചോദ്യം ചെയ്യല്‍ തിങ്കളാഴ്ചവരെ മാറ്റിവെയ്ക്കണമെന്ന് രാഹുല്‍ ഗാന്ധി. തിങ്കളാഴ്ച വരെ ചോദ്യം ചെയ്യല്‍ മാറ്റിവെക്കണമെന്നാണ് രാഹുലിന്റെ ആവശ്യം. നാളെ ഹാജരാവാനാണ് ഇ.ഡി രാഹുലിന് നിര്‍ദേശം നല്‍കിയിരുന്നത്.

മൂന്നു ദിവസമായി മുപ്പത് മണിക്കൂറിലേറെ സമയമെടുത്താണ് ഇ.ഡി രാഹുലിനെ ചോദ്യം ചെയ്യുന്നത്. ഇന്ന് ചോദ്യം ചെയ്യലുണ്ടായിരുന്നില്ല. കേസില്‍ കോണ്‍ഗ്രസ് അധ്യക്ഷ സോണിയാ ഗാന്ധിയെ ജൂണ്‍ 23ന് വിളിപ്പിച്ചിട്ടുണ്ട്.

കോണ്‍ഗ്രസ് നേതാവ് മല്ലികാര്‍ജ്ജുന്‍ ഖാര്‍ഗെയെയും പാര്‍ട്ടി ട്രഷറര്‍ പവന്‍ ബന്‍സാലിനെയും മൊഴിയെടുക്കാനായി വിളിപ്പിച്ചു. അതിനിടെ, വിഷയത്തില്‍ കോണ്‍ഗ്രസ് പ്രതിഷേധം തുടരുകയാണ്.