യു.എ.ഇയില്‍ മൂടല്‍ മഞ്ഞ്

ദുബായ്: യു.എ.ഇയില്‍ കനത്ത മൂടല്‍ മഞ്ഞ്. ഇതേതുടര്‍ന്ന് റെഡ്, യെല്ലോ അലര്‍ട്ടുകള്‍ പ്രഖ്യാപിച്ചിരിക്കുകയാണ്. ചില സംവഹണ മേഘങ്ങള്‍ കിഴക്കോട്ട് രൂപപ്പെടാന്‍ ഉള്ള സാധ്യതയുണ്ടെന്നും, നേരിയതോ മിതമായതോ ആയ കാറ്റിനും സാധ്യതയെന്ന് നാഷണല്‍ സെന്റര്‍ ഓഫ് മെറ്റീരിയോളജി അറിയിച്ചു.

ഇടയ്ക്കിടെയുള്ള മൂടല്‍മഞ്ഞിന് സാധ്യതയുണ്ടെന്നും തീരപ്രദേശങ്ങളില്‍ ഇത് കൂടുതല്‍ ആവാന്‍ സാധ്യതയുണ്ടെന്നും മുന്നറിയിപ്പില്‍ പറയുന്നു. രാജ്യത്ത് താപനില 40 ഡിഗ്രി സെല്‍ഷ്യസ് വരെ ഉയര്‍ന്നേക്കാം. മെര്‍ക്കുറി അബുദാബിയില്‍ 38 ഡിഗ്രി സെല്‍ഷ്യസിലേക്കും ദുബായില്‍ 34 ഡിഗ്രി സെല്‍ഷ്യസിലേക്കും ഉയരും. താപനിലയില്‍ വീണ്ടും വര്‍ദ്ധനവുണ്ടാകും.

എന്നിരുന്നാലും, അബുദാബിയില്‍ 22 ഡിഗ്രി സെല്‍ഷ്യസും ദുബായില്‍ 25 ഡിഗ്രി സെല്‍ഷ്യസും ഉള്‍പ്രദേശങ്ങളില്‍ 15 ഡിഗ്രി സെല്‍ഷ്യസും വരെ താപനില കുറയാം. രാത്രിയിലും തിങ്കളാഴ്ച രാവിലെയും ഈര്‍പ്പമുള്ള കാലാവസ്ഥ ആയിരിക്കും.