സുല്‍ത്താന്‍ ബത്തേരി: പച്ചക്കറികളുടെ തദ്ദേശീയ ഉല്‍പാദനം കൂടിയതോടെ വിപണിയില്‍ വന്‍ വിലക്കുറവ്. ഇതോടെ ഈ നില തുടര്‍ന്നാല്‍ ഇക്കുറി ഓണത്തിന് കൈപൊള്ളിക്കെന്ന പ്രതീക്ഷയിലാണ് ജനങ്ങള്‍.
വിപണിയില്‍ പച്ചക്കറികള്‍ക്ക് മുന്‍പെങ്ങുമില്ലാത്ത് വിധത്തിലാണ് വില കുറഞ്ഞിരിക്കുന്നത്. 20 രൂപയില്‍ താഴെയാണ് മാഹഭൂരിപക്ഷം പച്ചക്കറികള്‍ക്കും വിപണി വില. ഒരുമാസം മുന്‍പ് വരെ 50 രൂപയുണ്ടായിരുന്ന തക്കാളിക്ക് ഇപ്പോള്‍ വിപണി വില കിലോക്ക് എട്ടുരൂപയായാണ് കുറഞ്ഞിരിക്കുന്നത്.
സവാള 30 രൂപയുണ്ടായിരുന്നത് ഇപ്പോള്‍ 15 രൂപയാണ്. 80 രൂപയുണ്ടായിരുന്ന ചെറിയുള്ളിക്ക് 18-20 രൂപയായി കുറഞ്ഞു. 120 രൂപയുണ്ടായിരുന്ന ബീന്‍സിന് ഇപ്പോള്‍ 100 രൂപ കുറഞ്ഞ് 20 രൂപക്കാണ് കിലോ വില്‍പന. ഇതിന് പുറമെ മുരിങ്ങക്ക, പച്ചമുളക്, കിഴങ്ങ് തുടങ്ങിയ പച്ചക്കറികള്‍ക്കും വിലകുറഞ്ഞിട്ടുണ്ട്. പച്ചക്കറികളില്‍ വില ഉയര്‍ന്നിട്ടുള്ളത് പച്ച നേന്ത്രക്കായ, ചേന, ചേമ്പ്, വെളുത്തുള്ളി എന്നിവക്ക് മാത്രമാണ്.
ഇതില്‍ വെളുത്തുള്ളാക്കാണ് ഏറ്റവും കൂടിയ വില. കിലോക്ക് 160 രൂപ. പച്ചക്കറികള്‍ തദ്ദേശിയമായി ഉല്‍പാദനം കൂടിയതാണ് വില കുറയാനുള്ള പ്രധാന കാരണമെന്ന് കച്ചവടക്കാര്‍ പറയുന്നു. വിപണിയില്‍ ഈ വില തുടര്‍ന്നാല്‍ ഇക്കുറി ഓണത്തിന് പച്ചക്കറി മലയാളിയുടെ കൈപൊള്ളില്ല.