കല്‍പ്പറ്റ: കോണ്‍ഗ്രസ് നേതാവും കല്‍പ്പറ്റ എംഎല്‍എയുമായ ടി.സിദ്ധീഖിന്റെ സുരക്ഷാ ചുമതലയുള്ള ഗണ്‍മാനെ സസ്‌പെന്‍ഡ് ചെയ്തു. ഇന്നലെ കോണ്‍ഗ്രസ് പ്രതിഷേധറാലിക്കിടെയുണ്ടായ സംഘര്‍ഷത്തില്‍ പൊലീസുകാരെ ആക്രമിച്ചു എന്ന് ആരോപിച്ചാണ് ടി.സിദ്ധീഖിന്റെ ഗണ്‍മാന്‍ സിബിനെ സസ്‌പെന്‍ഡ് ചെയ്തത്.

പൊലീസുകാരെ ആക്രമിച്ചെന്ന സ്‌പെഷ്യല്‍ ബ്രാഞ്ചിന്റെ കണ്ടെത്തലിന്റെ അടിസ്ഥാനത്തില്‍ ആണ് വയനാട് ജില്ലാ പൊലീസ് മേധാവിയുടെ നടപടി.

കോണ്‍ഗ്രസ് നേതാവ് രാഹുല്‍ ഗാന്ധിയുടെ വയനാട്ടിലെ എംപി ഓഫീസ് ആക്രമിച്ചതിനെ തുടര്‍ന്നാണ് കല്‍പ്പറ്റയില്‍ കോണ്‍ഗ്രസ് പ്രതിഷേധിച്ചിരുന്നത്.