കൊടുങ്ങല്ലൂര്‍: പത്ത് വര്‍ഷത്തെ കാത്തിരിപ്പിനൊടുവില്‍ മേത്തലയിലെ സാംസ്‌കാരിക നിലയം തുറന്നു. 2006 ല്‍ പട്ടികജാതി വികസന ഫണ്ട് ഉപയോഗിച്ച് കണ്ടംകുളത്ത് നിര്‍മിച്ച സാംസ്‌കാരിക നിലയം പലകാരണങ്ങളാല്‍ തുറന്നുകൊടുക്കുന്നത് നീണ്ടുപോകുകയായിരുന്നു. പുതിയ നഗരസഭ കൗണ്‍സില്‍ നിലവില്‍ വന്ന ശേഷം സാംസ്‌കാരിക നിലയം തുറക്കുന്നതിന് നടപടികള്‍ ആരംഭിക്കുകയായിരുന്നു. അഡ്വ. വി.ആര്‍ സുനില്‍കുമാര്‍ എം.എല്‍.എ സാംസ്‌കാരിക നിലയം ഉദ്ഘാടനം ചെയ്തു. നഗരസഭ ചെയര്‍മാന്‍ സി.സി വിപിന്‍ചന്ദ്രന്‍ അധ്യക്ഷനായി. വൈസ് ചെയര്‍പേഴ്‌സണ്‍ ഷീല രാജ്കമല്‍, കെ.എസ് കൈസാബ്, തങ്കമണി സുബ്രഹ്മണ്യന്‍, റിജി ജോഷി, ലത ഉണ്ണികൃഷ്ണന്‍, ടി.പി രമേഷ്, പി.സ്മിത, റിയാസ് തുടങ്ങിയവര്‍ പ്രസംഗിച്ചു.