ലീഗില്‍ നിന്നു പുറത്താക്കിയവരെ തിരിച്ചെടുക്കും: കെ.പി.എ മജീദ്
ഇരിട്ടി: മുസ്‌ലിം ലീഗില്‍ നിന്നു പുറത്താക്കിയവരെ മാപ്പപേക്ഷ നല്‍കിയാല്‍ തിരിച്ചെടുക്കുന്ന കാര്യം പരിഗണിക്കുമെന്ന് സംസ്ഥാന സെക്രട്ടറി കെ.പി.എ മജീദ് സുപ്രഭാതത്തോട് പറഞ്ഞു. വ്യക്തിവിദ്വേഷത്തിന്റെ പേരിലും ശാഖകളില്‍ ഉണ്ടാകുന്ന ചെറിയ പിണക്കങ്ങളുടെ പേരിലും കഴിവും ആത്മാര്‍ഥതയും ഉള്ള പ്രാദേശിക നേതാക്കള്‍ ഉള്‍പ്പെടെയുള്ളവര്‍ മാറിനില്‍ക്കുന്നത് കാരണം പാര്‍ട്ടി പ്രവര്‍ത്തനം നിശ്ചലമായതായി സംസ്ഥാന കമ്മിറ്റിക്ക് ബോധ്യപ്പെട്ടതിനെ തുടര്‍ന്നാണ് മെമ്പര്‍ഷിപ്പ് ക്യാംപയിന്റെ അവസരത്തില്‍ ഇങ്ങനെയുള്ളവരെയും ഉള്‍ക്കൊള്ളാന്‍ പാര്‍ട്ടി തീരുമാ നിച്ചതെന്നും അദ്ദേഹം പറഞ്ഞു.