തിരുവനന്തപുരം: ഭരണപക്ഷ യൂണിയനുമായുള്ള തര്‍ക്കത്തിന് പിന്നാലെ കെ.എസ്.ഇ.ബി ചെയര്‍മാന്‍ ബി.ആര്‍ അശോകിനെ സ്ഥാനത്തു നിന്ന് മാറ്റി. കൃഷിവകുപ്പ് സെക്രട്ടറിയായാണ് ബി.ആര്‍ അശോകിനെ നിയമിച്ചിരിക്കുന്നത്. രാജന്‍ ഖോബ്രഗഡെയാണ് പുതിയ കെ.എസ്.ഇ.ബി ചെയര്‍മാന്‍.

ചെയര്‍മാന്‍ ബി.അശോകും കെ.എസ്.ഇ.ബി. ഓഫിസേഴ്‌സ് അസോസിയേഷനും തമ്മില്‍ നില നിന്നിരുന്ന തര്‍ക്കം എല്‍.ഡി.എഫിനും തലവേദനയായിരുന്നു. ചെയര്‍മാനെ മാറ്റാതെ സമരത്തില്‍ നിന്നും പിന്നോട്ടില്ലെന്ന നിലപാടിലായിരുന്നു കെ.എസ്.ഇ.ബി ഓഫിസേഴ്‌സ് അസോസിയേഷന്‍.