ആലപ്പുഴ: സ്ത്രീകളുടെ ക്ഷേമത്തിനും ഉന്നമനത്തിനും ശാക്തീകരണത്തിനുമായി മികച്ച പ്രവര്‍ത്തനങ്ങള്‍ കാഴ്ച വച്ച സ്ഥാപനങ്ങള്‍ക്കും വ്യക്തികള്‍ക്കും കേന്ദ്ര സര്‍ക്കാര്‍ നല്‍കുന്ന നാരീ ശക്തി പുരസ്‌കാരത്തിന് അപേക്ഷ ക്ഷണിച്ചു.
സ്ത്രീകളുടെ  ഉന്നമനത്തിനും ക്ഷേമത്തിനുമായി മികച്ച പ്രവര്‍ത്തനങ്ങള്‍ കാഴ്ച വച്ചിട്ടുള്ള സംസ്ഥാനങ്ങള്‍കേന്ദ്ര ഭരണ പ്രദേശങ്ങള്‍, ജില്ലാ പഞ്ചായത്ത്ഗ്രാമപഞ്ചായത്ത് മറ്റ് തദ്ദേശ സ്വയംഭരണ സ്ഥാപനങ്ങള്‍, പൊതുസ്വകാര്യമേഖല സ്ഥാപനങ്ങള്‍, സിവില്‍ സൊസൈറ്റി ഓര്‍ഗനൈസേഷന്‍, സ്ത്രീകളുടെ വിവിധ പ്രശ്‌നങ്ങളുമായി ബന്ധപ്പെട്ട് പ്രവര്‍ത്തിക്കുന്ന സ്ഥാപനങ്ങള്‍, തദ്ദേശസ്വയംഭരണ സ്ഥാപനങ്ങള്‍ എന്നിവയ്ക്ക് സ്ഥാപനങ്ങളുടെ വിഭാഗത്തിലുള്ള 11 അവാര്‍ഡുകളും സ്ത്രീകള്‍ക്കെതിരെയുള്ള അതിക്രമങ്ങള്‍ തടയുന്നതിനായി ധീരമായി പ്രവര്‍ത്തിച്ചിട്ടുള്ള വനിതകള്‍ക്കായി രണ്ട് അവാര്‍ഡുകളും നിശ്ചയിച്ചിട്ടുണ്ട്. സ്ത്രീകളുടെ ശാക്തീകരണത്തിനും ക്ഷേമത്തിനുമായി മികച്ച പ്രവര്‍ത്തനങ്ങള്‍ കാഴ്ചവയ്ക്കുന്ന വനിതകള്‍ക്കായി ഏഴ് അവാര്‍ഡുകളും നല്‍കും. സ്ത്രീകളുടെ ക്ഷേമത്തിനും ഉന്നമനത്തിനുമായി  കഴിഞ്ഞ അഞ്ചു വര്‍ഷമായി പ്രവര്‍ത്തിച്ചു വരുന്ന വ്യക്തികള്‍ക്കും സ്ഥാപനങ്ങള്‍ക്കുമാണ് അപേക്ഷിക്കാന്‍ അര്‍ഹത. അപേക്ഷകര്‍ക്ക് ജനുവരി ഒന്നിന് 30 വയസ്സ പൂര്‍ത്തിയായിരിക്കണം. അപേക്ഷകള്‍  26നകം അതത് ജില്ലാ സാമൂഹികനീതി ഓഫീസര്‍ക്ക് സമര്‍പ്പിക്കണം.