കോഴിക്കോട്: മുസ്‌ലിം യൂത്ത് ലീഗ് സംസ്ഥാന സമ്മേളനം ഒക്‌ടോബര്‍ ആറ്, ഏഴ്, എട്ട് തിയതികളില്‍ കോഴിക്കോട്ട് നടത്താന്‍ സംസ്ഥാന സെക്രട്ടറിയേറ്റ് തീരുമാനിച്ചു. ആറ്, ഏഴ് തിയതികളില്‍ പ്രതിനിധി സമ്മേളനവും എട്ടിന് സമാപനസമ്മേളനവും നടക്കും. പ്രതിനിധി സമ്മേളനം ടാഗോര്‍ സെന്റിനറി ഹാളിലും സമാപന പൊതുസമ്മേളനം കോഴിക്കോട് കടപ്പുറത്തുമാണ് നടക്കുക. മുസ്‌ലിംലീഗ് ദേശീയ- സംസ്ഥാന നേതാക്കള്‍ക്കുപുറമെ, ദേശീയ - അന്തര്‍ദേശീയ തലത്തിലെ പ്രമുഖരും മറ്റ് രാഷ്ട്രീയ നേതാക്കളും സമ്മേളനത്തില്‍ പങ്കെടുക്കും.

യോഗത്തില്‍ മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പി.എം സാദിഖലി അധ്യക്ഷനായി. സി.കെ സുബൈര്‍, കെ.എം അബ്ദുല്‍ ഗഫൂര്‍, കെ.പി ത്വാഹിര്‍, സി.പി.എ അസീസ്, പി.എ അഹ്മദ് കബീര്‍, സി.എച്ച് ഇഖ്ബാല്‍, പി.കെ ഫിറോസ്, കെ.ടി അബ്ദുറഹിമാന്‍, അശ്‌റഫ് മടാന്‍ പ്രസംഗിച്ചു.