ആഡംബര ബെക്ക് നിര്‍മാതാക്കളുടെ രാജാവ് എന്ന് തന്നെ വിശേഷിപ്പിക്കാവുന്ന വാഹനനിര്‍മാതാക്കളാണ് ഡ്യുക്കാട്ടി. ഈ ഇറ്റാലിയന്‍ വാഹന നിര്‍മാതാക്കളുടെ സൂപ്പര്‍ബൈക്കുകള്‍ക്ക് ലോകമെങ്ങും വലിയ ആരാധകവ്യന്ദമാണ് സ്വന്തമായിട്ടുളളത്.
ഇപ്പോഴിതാ അള്‍ട്രാ ലക്ഷ്വറി ടൂവീലര്‍ വിഭാഗത്തിലേക്ക് പാനിഗാലെ V4R എന്ന സൂപ്പര്‍ബൈക്ക് അവതരിപ്പിച്ചിരിക്കുകയാണ് ഡ്യുക്കാട്ടി.

ഡ്യുക്കാട്ടിയുടെ തന്നെ വിലയേറിയ വാഹനങ്ങളിലൊന്നായ ഈ മോഡലിന് ഏകദേശം 70 ലക്ഷം രൂപയോളമാണ് എക്‌സ്‌ഷോറൂം വില വരുന്നത്. രാജ്യത്തെ ഏതേ ഡ്യുക്കാട്ടി ഡീലര്‍ഷിപ്പില്‍ നിന്നും വാഹനം ബുക്ക് ചെയ്യാന്‍ സാധിക്കും. പാനിഗാലെയുടെ മറ്റുളള മോഡലുകളെ അപേക്ഷിച്ച് R വേരിയന്റിന് നിരവധി മികച്ച അപ്‌ഡേഷനുകളുണ്ട്. കൂടാതെ പുതിയ കളര്‍ ഓപ്ഷനുകളും വാഹനത്തിന് ലഭിക്കുന്നുണ്ട്. വാഹനത്തിന് കരുത്ത് പകരുന്നത് 998 സി.സിയുടെ ശക്തമായ എഞ്ചിനാണ്. പ്രസ്തുത എഞ്ചിന് 15,500 rpmല്‍ പരമാവധി 215 bhp പവറും 12,000 rpmല്‍ 111.3nm ടോര്‍ക്കും ഉല്‍പാദിപ്പിക്കാന്‍ സാധിക്കും.

മുന്‍വശത്ത് നാല് പിസ്റ്റണുകളുളള ബ്രെംബോ മോണോബ്ലോക്ക് സ്‌റ്റെല്‍മ M4.30 കാലിപ്പറുകളുളള ട്വിന്‍ 320mm ഡിസ്‌ക്കുകളാണ് വാഹനത്തിന്റെ ബ്രേക്കിങ് സിസ്റ്റം കണ്‍ട്രോള്‍ ചെയ്യുന്നത്.വിലപിടിപ്പുളള ഈ വാഹനം എന്ന് ഇന്ത്യന്‍ വിപണിയിലേക്ക് എത്തും എന്ന കാര്യത്തില്‍ റിപ്പോര്‍ട്ടുകളൊന്നും പുറത്ത് വന്നിട്ടില്ല. എന്നാല്‍ ആദ്യഘട്ടത്തില്‍ എത്തിക്കുന്ന പാനിഗാലെയുടെ 5 യൂണിറ്റുകളും ഇതിനോടകം തന്നെ വിറ്റ്‌പോയിട്ടുണ്ട്.

Content Highlights:ducati panigale v4 r launched in india