പയ്യന്നൂര്‍: പയ്യന്നൂര്‍ സെന്‍ട്രല്‍ ബസാറില്‍ നാല് ആര്‍.എസ്.എസ്  പ്രവര്‍ത്തകരെ സി.പി.എം പ്രവര്‍ത്തകര്‍ മര്‍ദിച്ചതായി പരാതി. പയ്യന്നൂര്‍ സ്വദേശികളായ ശ്യാം, രഞ്ജിത്ത്, ജിതേഷ്, സന്തോഷ് എന്നിവര്‍ക്കാണ് മര്‍ദനമേറ്റത്. ഇന്നലെ ഉച്ചക്ക് 12 മണിയോടെ ശ്രീകൃഷ്ണ ജയന്തി ദിനാഘോഷത്തിന്റെ ഭാഗമായി പയ്യന്നൂരില്‍ പിരിവിന് ഇറങ്ങിയതായിരുന്നു ഇവര്‍. സംഘടിച്ചെത്തിയ അമ്പതോളം സി.പി.എം പ്രവര്‍ത്തകര്‍ മര്‍ദിച്ചതായി ഇവര്‍ പയ്യന്നൂര്‍ പൊലിസില്‍ നല്‍കിയ പരാതിയില്‍ പറയുന്നു. സംഭവത്തില്‍ കണ്ടാലറിയാവുന്ന നാല്‍പ്പതോളം സി.പി.എം പ്രവര്‍ത്തകര്‍ക്കെതിരേ പയ്യന്നൂര്‍ പൊലിസ് കേസെടുത്തു.