മൂവാറ്റുപുഴ: കളഞ്ഞ് കിട്ടിയ സ്വര്‍ണം തിരിച്ച് നല്‍കി വിദ്യാര്‍ഥിനി മാതൃകയായി. പേഴയ്ക്കാപ്പിള്ളി അറഫ കോളജ് ബി.എ  എക്കണോമിക്‌സ് വിദ്യാര്‍ഥിനി റോസ്‌മോള്‍ ഫ്രാന്‍സിസാണ് അധ്യാപികയ്ക്ക് നഷ്ടപ്പെട്ട സ്വര്‍ണം തിരിച്ച് നല്‍കി മാതൃകയായത്.
രാവിലെ കോളജിലേക്കുള്ള യാത്രക്കിടെ റോസ്‌മോള്‍ ഫ്രാന്‍സിസിന്റെ ഷാളില്‍ കുടുങ്ങിയ നിലയില്‍ സ്വര്‍ണ വള ലഭിക്കുകയായിരുന്നു. വള കോളജ് ഓഫിസില്‍ ഏല്‍പ്പിക്കുകയും ചെയ്തു. കോളജ് അധികൃതരുടെ അന്വേഷണത്തെ തുടര്‍ന്ന് വളയന്‍ചിറങ്ങര ഹൈസ്‌കൂളിലെ അധ്യാപിക ഗിരിജ ടീച്ചറിന്റെതാണന്ന് കണ്ടെത്തുകയായിരുന്നു. കോളജ് ഓഫിസിലെത്തി ഗിരിജ ടീച്ചര്‍ വള ഏറ്റ് വാങ്ങുകയും റോസ്‌മോള്‍ക്ക് പാരിതോഷികവും നല്‍കി. റോസ് മോളുടെ സത്യസന്ധയില്‍ അറഫ ചാരിറ്റബിള്‍ ചെയര്‍മാന്‍ എം.ബി.കെ.മൊയ്തീന്‍, മാനേജര്‍ അലി മേപ്പാട്ട്, സെക്രട്ടറി സി.എ.മൊയ്തീന്‍, പ്രിന്‍സിപ്പാള്‍ എസ്.സിന്ധു എന്നിവര്‍ അഭിനന്ദിച്ചു.