കൊച്ചി: എ.ഐ.വൈ.എഫ് ജില്ലാ സമ്മേളനം നാളെ മുതല്‍ 27 വരെ എറണാകുളം ടൗണ്‍ഹാളില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ജില്ലയിലെ 14 മണ്ഡലം സമ്മേളനങ്ങളില്‍ നിന്നും തിരഞ്ഞെടുക്കപ്പെട്ട 325 പ്രതിനിധികളാണ് സമ്മേളനത്തില്‍ പങ്കെടുക്കുന്നത്. സമ്മേളത്തിന്റെ ഭാഗമായി നാളെ ഉച്ചക്ക് രണ്ടിന് സ്വാതന്ത്ര്യ സമര സേനാനിയും കമ്മ്യൂണിസ്റ്റ് നേതാവുമായിരുന്ന കെ.സി മാത്യുവിന്റെ ചെയ്യും. മട്ടാഞ്ചേരി രക്തസാക്ഷി മണ്ഡപത്തില്‍ നിന്നും ആരംഭിക്കുന്ന പതാക ജാഥ മുന്‍ എം.എല്‍.എ ബാബു പോള്‍ ഉദ്ഘാടനം ചെയ്യും. വൈകിട്ട് 4.30ന് എറണാകുളം ടൗണ്‍ ഹാളില്‍ ജാഥകള്‍ സംഗമിക്കും. പതാക സി.പി.ഐ സംസ്ഥാന കൗണ്‍സില്‍ അംഗം കെ.എം ദിനകരനും കൊടിമരം ഇ.കെ ശിവനും ഏറ്റുവാങ്ങും.
വൈകിട്ട് അഞ്ചിന് നടക്കുന്ന ഫാസിസ്റ്റ് വിരുദ്ധ സംഗമം വി.എസ് അച്യുതാന്ദന്‍ ഉദ്ഘാടനം ചെയ്യും. അഡ്വ. കെ.എന്‍ സുഗതന്‍ അധ്യക്ഷത വഹിക്കും. വാര്‍ത്താ സമ്മേളനത്തില്‍ സ്വാഗത സംഘം കണ്‍വീനര്‍ ടി.സി സന്‍ജിത്ത്, അഡ്വ. മനോജ് ജി.കൃഷ്ണന്‍ എന്നിവര്‍ പങ്കെടുത്തു.