ഹരിയാനയിൽ വർഗീയ സംഘർഷം: കൊല്ലപ്പെട്ടവരുടെ എണ്ണം മൂന്നായി, നിരോധനാജ്ഞ

ന്യൂഡൽഹി: ഹരിയാനയിലെ സംഘർഷത്തിൽ കൊല്ലപ്പെട്ടവരുടെ എണ്ണം മൂന്നായി. ഇ​​രു വി​​ഭാ​​ഗ​​ങ്ങ​​ൾ​​ക്കി​​ട​​യി​​ലു​​ണ്ടാ​​യ സം​​ഘ​​ർ​​ഷ​​ത്തി​ലാണ് രണ്ട് ഹോം ഗാർഡുകൾ ഉൾപ്പെടെ മൂന്ന് പേർ കൊല്ലപ്പെട്ടത്. പൊലി​സു​കാ​ർ​ ഉൾപ്പെടെ നി​ര​വ​ധി പേർക്ക് പ​രി​ക്കേ​റ്റു. പൊലിസ് നടപടിയിൽ 20ഓളം പേർക്ക് പരിക്കേറ്റു. സംഘർഷം അ​യ​ൽ​നാ​ടു​ക​ളി​ലേ​ക്ക് പടരുന്നതായാണ് വിവരം. പ്രദേശത്ത് കൂടുതൽ കേന്ദ്രസേനയെ വിന്യസിച്ചു. ഇന്റർനെറ്റ് സേവനങ്ങൾ റദ്ദാക്കി.

ഗുരുഗ്രാമിനോട് ചേർന്നുള്ള നുഹിൽ മതപരമായ ഘോഷയാത്രയ്ക്കിടെയാണ് അക്രമം ആരംഭിച്ചത്. അക്രമികള്‍ നിരവധി വാഹനങ്ങള്‍ കത്തിച്ചു. ജനക്കൂട്ടത്തെ പിരിച്ചുവിടാന്‍ പൊലിസ് കണ്ണീര്‍ വാതകം പ്രയോഗിക്കുകയും ആകാശത്തേക്ക് വെടിയുതിര്‍ക്കുകയും ചെയ്തു. ആരാധനാലയത്തിൽ അഭയം പ്രാപിച്ചിരുന്നവരെ മോചിപ്പിച്ചു.

ജനങ്ങള്‍ സമാധാനം പാലിക്കണമെന്ന് ആവശ്യപ്പെട്ട് ഹരിയാന മുഖ്യമന്ത്രി മനോഹര്‍ ലാല്‍ രംഗത്തെത്തി. സംഭവം ദൗര്‍ഭാഗ്യകരമാണെന്നും പ്രതികരിച്ച മുഖ്യമന്ത്രി, കുറ്റക്കാര്‍ക്കെതിരെ ശക്തമായ നടപടിയുണ്ടാകുമെന്നും വ്യക്തമാക്കി. നൂഹ്, ഗുരുഗ്രാം, പൽവാൽ, ഫരീദാബാദ് എന്നിവിടങ്ങളിൽ നിരോധനാജ്ഞയും പ്രഖ്യാപിച്ചിരിക്കുകയാണ്.

അതേസമയം, സാഹചര്യങ്ങൾ നിയന്ത്രണത്തിലായതായി നൂഹ് എസ്.പി നരേന്ദർ ബിജാർണിയ പറഞ്ഞു.