ന്യൂഡല്‍ഹി: കോണ്‍ഗ്രസ് അധ്യക്ഷ സോണിയാ ഗാന്ധിയെ നാഷണല്‍ ഹെറാള്‍ഡ് കേസുമായി ബന്ധപ്പെട്ട് ഇ.ഡി വീണ്ടും ചോദ്യം ചെയ്യും. തിങ്കളാഴ്ച വീണ്ടും ഹാജരാകണമെന്ന് ആവശ്യപ്പെട്ട് ഇ.ഡി സോണിയാ ഗാന്ധിക്ക് നോട്ടീസയച്ചു. കേസില്‍ ഇന്ന് മൂന്ന് മണിക്കൂറാണ് സോണിയാ ഗാന്ധിയെ ചോദ്യം ചെയ്തത്.

ചോദ്യം ചെയ്യലില്‍ പ്രതിഷേധിച്ച് എ.ഐ.സി.സി ആസ്ഥാനത്തും ഡല്‍ഹിയിലും വന്‍ പ്രതിഷേധമുയര്‍ന്നിരുന്നു. സോണിയാ ഗാന്ധിയുടെ ആരോഗ്യനില പരിഗണിച്ച് ഇന്നത്തെ ചോദ്യം ചെയ്യല്‍ ഇ.ഡി ചുരുക്കിയിരുന്നു. ഉച്ചയ്ക്ക് 12 മണിയോടു കൂടിയായിരുന്നു സോണിയാഗാന്ധി ഇന്ന് ഇ.ഡിക്കു മുന്നില്‍ ചോദ്യം ചെയ്യലിന് ഹാജരായത്. പിന്നീട് രണ്ടരയോടു കൂടി അവര്‍ക്ക് ഇടവേള അനുവദിച്ചിരുന്നു.