[caption id="attachment_1063040" align="alignnone" width="630"] അറസ്റ്റിലായ ശിവന്‍[/caption]

 

മേപ്പാടി: മണി ലണ്ടേഴ്‌സ് ആക്ട് പ്രകാരമുള്ള ലൈസന്‍സ് ഇല്ലാതെ അമിത പലിശക്ക് പണംകടം കൊടുത്ത ഒരാള്‍ കൂടി അറസ്റ്റില്‍. കോട്ടപ്പാടി എരുമക്കൊല്ലി പ്രജു നിവാസില്‍ ശിവന്‍ (46) നെയാണ് മേപ്പാടി പോലിസ് അറസ്റ്റ് ചെയ്തത്. കഴിഞ്ഞയാഴ്ച മേപ്പാടി ടൗണിലെ യുവ വ്യാപാരി ആത്മഹത്യ ചെയ്ത സംഭവത്തില്‍ പ്രദേശത്തെ പലിശക്കാര്‍ക്കെതിരെ ആരോപണം ഉയര്‍ന്ന സാഹചര്യത്തില്‍ പല വീടുകളിലും ഒരേ സമയം പോലിസ് റെയ്ഡ് നടത്തിയിരുന്നു. ശിവന്റെ വീട്ടില്‍ നിന്ന് ഈടായി വാങ്ങിയ മുദ്രപത്രം, ബ്ലാങ്ക് ചെക്ക്, ആര്‍ സി ബുക്ക്, 96,000 രൂപ എന്നിവ പോലിസ് പിടിച്ചെടുത്തിട്ടുണ്ട്.
എസ്.എച്ച്.ഒ വിപിന്‍, എസ്.ഐമാരായ സിറാജ്, അബ്ദു എന്നിവരടങ്ങിയ സംഘമാണ് റെയ്ഡ് നടത്തിയത്. ഇന്നലെ നടത്തിയ പരിശോധനയില്‍ നെല്ലിമുണ്ട ഒര്‍ക്കാട്ടേരി വീട്ടില്‍ ഹുമയൂണ്‍ കബീര്‍ എന്ന ബാബുവിനെ പോലിസ് അറസ്റ്റ് ചെയ്തിരുന്നു. ഇതോടെ പിടിയിലായവരുടെ എണ്ണം രണ്ടായി.