ദുബൈ: യു.എ.ഇയിയെ ഹരിതാഭമാക്കാന്‍ സമഗ്ര പദ്ധതി. പരിസ്ഥിതി കാലാവസ്ഥാ മന്ത്രാലയമാണ് ഇതിനു മുന്‍കൈ എടുക്കുന്നത്. ഐക്യരാഷ്ട്രസഭയുമായി ചേര്‍ന്നാണ് വിവിധ കാര്‍ഷിക പദ്ധതികള്‍ക്കു തുടക്കം കുറിക്കുക. യു.എന്നും യു.എ.ഇ പരിസ്ഥിതി,കാലാവസ്ഥാ മന്ത്രാലയവും നടത്തിയ ശില്‍പശാലയില്‍ പദ്ധതികളുടെ രൂപരേഖ തയാറാക്കി. ഈ മേഖലയില്‍ ഇന്ത്യ, ഇസ്രായേല്‍, ദക്ഷിണകൊറിയ എന്നി രാജ്യങ്ങളുമായി തന്ത്രപ്രധാന സഹകരണവുമുണ്ടാവും. ഏതു കാലാവസ്ഥയിലും ജലലഭ്യത ഉറപ്പുവരുത്താനും കൃഷി ചെയ്യാനും കഴിയുന്ന പദ്ധതികള്‍ക്ക് രാജ്യം രൂപം നല്‍കും. പദ്ധതികള്‍ ആവിഷ്‌കരിക്കുന്നതിനു പുറമേ പരിസ്ഥിതി സംരക്ഷണത്തിനു ശക്തമായ നിയമസംവിധാനത്തിനു രൂപം നല്‍കുമെന്നും പരിസ്ഥിതി മന്ത്രാലയം ആക്ടിങ് അസിസ്റ്റന്റ് അണ്ടര്‍സെക്രട്ടറി ഡോ. നാസിര്‍ സുല്‍ത്താന്‍ പറഞ്ഞു.