ദുബൈ: അക്കാഫ് അസോസിയേഷന്‍ സെപ്റ്റംബര്‍ 25 ന് ദുബൈ വേള്‍ഡ് ട്രേഡ് സെന്ററില്‍ സംഘടിപ്പിക്കുന്ന ഓണാഘോഷപരിപാടിയില്‍ നഞ്ചിയമ്മ എത്തുന്നു.മികച്ച ഗായികയ്ക്കുള്ള ദേശീയ ചലച്ചിത്ര പുരസ്‌കാരം നേടിയ
നഞ്ചിയമ്മയാണ് ഓണാഘോഷങ്ങള്‍ക്കായി എത്തുകയെന്ന് അക്കാഫ് അസോസിയേഷന്‍ അറിയിച്ചു.ദുബൈ വേള്‍ഡ് ട്രേഡ് സെന്ററില്‍ ആദ്യമായാണ് വിപുലമായ ഓണാഘോഷ പരിപാടി സംഘടിപ്പിക്കുന്നത്. പതിനായിരത്തിലധികം പേര്‍ക്ക് ഇരിപ്പിടം ഒരുക്കിക്കൊണ്ടാണ് അക്കാഫ് ഓണാഘോഷം സംഘടിപ്പിക്കുന്നത്. യു.എ.ഇ ഗവണ്‍മെന്റിന്റെ കീഴിലുള്ള സി.ഡി.എ അതോറിറ്റിയുടെ അംഗീകാരം അക്കാഫിന് അടുത്തിടെ ലഭിച്ചിരുന്നു.സെപ്റ്റംബര്‍ 25 ന് രാവിലെ തന്നെ വിവിധ ഓണാഘോഷ പരിപാടികള്‍ ആരംഭിക്കുമെന്ന് അക്കാഫിന് വേണ്ടി പോള്‍.ടി.ജോസഫ് അറിയിച്ചു.