പലക്കാട്: തീവ്രവാദവും ഭീകരവാദവും ആഗോള സാമ്രാജ്യത്വ ശക്തികളുടെ സൃഷ്ടിയാണന്നും അതിനെ വളര്‍ത്തുന്നത് മതത്തിന്റെ യാഥാര്‍ഥ്യം മനസിലാക്കാത്ത പുത്തന്‍ സംഘടകളാണന്നും എസ്.വൈ.എസ് പാലക്കാട് ജില്ലാ ലീഡേഴ്‌സ് സംഗമം വിലയിരുത്തി. ആധുനിക പുത്തനാശയക്കാര്‍ വ്യാജ ആത്മീയതയിലേക്കും അപകടകരമായ വിശ്വാസ ചൂഷണങ്ങളിലേക്കും എത്തുന്നതിന്റെ കാരണം പ്രമാണങ്ങള്‍ ദുര്‍വ്യാഖ്യാനം ചെയ്തതും, മതപാരമ്പര്യം തള്ളിക്കളഞ്ഞതുമാന്നെന്നും സംഗമം നിരീക്ഷിച്ചു. എസ്.കെ.ജെ.എം.സി സംസ്ഥാന പ്രസിഡന്റ് സി.കെ.എം സാദിഖ് മുസ്‌ലിയാര്‍ ഉദ്ഘാടനം ചെയ്തു. ജില്ലാ പ്രസിഡന്റ് സയ്യിദ് ഇമ്പിച്ചിക്കോയ തങ്ങള്‍ അധ്യക്ഷനായി. 'സമസ്തയും കാലികവര്‍ത്തമാനവും' എന്ന വിഷയം റഹ്മത്തുല്ലാഹ് ഖാസിമി മുത്തേടവും, കര്‍മപദ്ധതി ജില്ലാ വര്‍ക്കിങ് സെക്രട്ടറി സ്വലാഹുദീന്‍ ഫൈസി വല്ലപ്പുഴയും അവതരിപ്പിച്ചു.
സംസ്ഥാന വൈസ് പ്രസിഡന്റ് ഇ. അലവി ഫൈസി കുളപ്പറമ്പ് സമന്വയ പ്രഭാഷണം നടത്തി. എസ്.കെ.എസ്.എസ്.എഫ് സംസ്ഥാന ഭാരവാഹികളായ എം.ടി മുസ്തഫ അശ്‌റഫി, എന്‍. ഹബീബ് ഫൈസി എന്നിവര്‍ ഓപ്പണ്‍ ഫോറത്തിന് നേതൃത്വം നല്‍കി.
സമസ്തയുടെയും കീഴ്ഘടകങ്ങളുടെയും ജില്ലാ ഭാരവാഹികളായ കെ.സി. അബൂബക്കര്‍ ദാരിമി, സി. മുഹമ്മദലി ഫൈസി, ടി.എച്ച് സുലൈമാന്‍ ദാരിമി, സാധാലിയാഖത്തലി ഖാന്‍ ഹാജി, അബൂബക്കര്‍ മുസ്‌ലിയാര്‍, ടി.പി ശമീര്‍ ഫൈസി, യുസഫ് പത്തിരിപ്പാല, ബശീര്‍ മാസ്റ്റര്‍, പി.അബൂബക്കര്‍ ഫൈസി, ഖാദര്‍ അന്‍വരി, എം. വീരാന്‍ ഹാജി പൊട്ടച്ചിറ, സൈനുല്‍ ആബിദ് മാസ്റ്റര്‍, ഹംസ ഫൈസി പി.ടി, കെ. അബ്ദുല്‍ ഖാദിര്‍ ഫൈസി തലക്കശ്ശേരി, സംസം ബശീര്‍ അലനല്ലൂര്‍,  യു.അലി ഹസനി, അഡ്വ. മുഹമ്മദലി മാറ്റാംതടം, കെ.യു.എം താജുദ്ധീന്‍ മാസ്റ്റര്‍, കെ.കെ അഹമദ് ഫൈസല്‍ ഫൈസി, യൂസഫ് ഹാജി, സൈനുദ്ദീന്‍ മന്നാനി, പി.സി ഹംസ മാസ്റ്റര്‍, ബശീര്‍ ഫൈസി സി.എച്ച് പ്രസംഗിച്ചു.
സമാപന ദുആ മജ്‌ലിസിന് സയ്യിദ് ശിഹാബുദ്ധീന്‍ തങ്ങള്‍ വല്ലപ്പുഴ നേതൃത്വം നല്‍കി. ക്യാംപ് ഡയറക്ടര്‍ സമദ് മാസ്റ്റര്‍ സംഗമം നിയന്ത്രിച്ചു. ജില്ലാ ജന. സെക്രട്ടറി ടി.കെ മുഹമ്മദ് കുട്ടി ഫൈസി സ്വാഗതവും, സി.പി ഷാഹുല്‍ ഹമീദ് ഫൈസി നന്ദിയും പറഞ്ഞു.