ദുബൈ: പത്ത് വര്‍ഷത്തിനിടെ റെസിഡന്‍സി നിയമങ്ങള്‍ ലംഘിക്കാത്ത താമസക്കാര്‍ക്കും എമിറാത്തി സ്‌പോണ്‍സര്‍മാര്‍ക്കും പ്രത്യേക ഇളവുകള്‍ പ്രഖ്യാപിച്ച് ദുബൈ. ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്‌സ് അഫയേഴ്‌സ് അറിയിക്കുന്നത് പ്രകാരം നവംബര്‍ 1 മുതല്‍ ഇത്തരക്കാര്‍ക്ക് പ്രത്യേക ആനുകൂല്യങ്ങള്‍ ലഭിക്കും. 'ഐഡിയല്‍ ഫേസ്' എന്നാണ് ഈ പദ്ധതിക്കു പേര് നല്‍കിയിരിക്കുന്നത്. യുഎഇ താമസനിയമം പാലിക്കുന്ന എല്ലാവര്‍ക്കും ഈ പദ്ധതി ബാധകമാണ്.

ആനുകൂല്യങ്ങള്‍

1) ആമര്‍ സെന്ററുമായി ബന്ധപ്പെടുമ്പോള്‍ സേവനത്തില്‍ മുന്‍ഗണന ലഭിക്കും.
2) ആമര്‍ സെന്ററുകളില്‍ ദി ഐഡിയല്‍ ഫെയ്‌സ് പ്രവാസികള്‍ക്കായി പ്രത്യേക ക്യു സംവിധാനം ഒരുക്കും. 
3) ഡിജിറ്റല്‍ അഭിനന്ദന സര്‍ട്ടിഫിക്കറ്റ് ലഭ്യമാക്കും.
4) മുതിര്‍ന്ന പൗരന്മാര്‍ക്കായി മൊബൈല്‍ സേവന വാഹനം വഴി സ്വന്തം വസതികളില്‍ സേവനങ്ങള്‍ ലഭിക്കും. 

പദ്ധതിയുടെ ആദ്യഘട്ടത്തില്‍ വ്യക്തികള്‍ക്ക് മാത്രമായാണ് പ്രത്യേക അവകാശങ്ങള്‍ ലഭിക്കുക. തുടര്‍ന്ന് രണ്ടാംഘട്ടത്തില്‍ പദ്ധതി സ്ഥാപനങ്ങളിലേക്കും വ്യാപിപ്പിക്കും.

യോഗ്യതകള്‍ 

1) അപേക്ഷകര്‍ യു എ ഇ യില്‍ ഉള്ള വിദേശികളോ യുഎഇ പൗരന്മാരോ ആയിരിക്കണം. കൂടാതെ കുറഞ്ഞത് 10 വര്‍ഷമെങ്കിലും ദുബൈയില്‍ താമസിച്ചിരിക്കണം
2) കഴിഞ്ഞ 10 വര്‍ഷത്തിനുള്ളില്‍ റസിഡന്‍സി ലംഘനങ്ങളൊന്നും ചെയ്യാത്ത ഒന്നോ അതിലധികമോ വ്യക്തികളുടെ സ്‌പോണ്‍സര്‍ ആയിരിക്കണം (സ്വദേശികള്‍ക്ക്).
3) നടപ്പുവര്‍ഷത്തില്‍ സ്‌പോണ്‍സര്‍ക്ക് റസിഡന്‍സി ലംഘനങ്ങളൊന്നും രേഖപ്പെടുത്താന്‍ പാടില്ല (സ്വദേശികള്‍ക്ക്).

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Dubai introduces the 'Ideal Phase' project, providing exclusive benefits and privileges to residents who comply with residency regulations for 10 consecutive years, fostering loyalty and stability.