ദോഹ: ആറാമത് ഖത്തര്‍ അന്താരാഷ്ട്ര ആര്‍ട് ഫെസ്റ്റിവല്‍ നവംബറില്‍ നടക്കും. നവംബര്‍ 25 മുതല്‍ 30 വരെയാണ് കതാറ കള്‍ച്ചറല്‍ വില്ലേജ് വേദിയാകുന്ന പരിപാടി സംഘടിപ്പിക്കുന്നത്. ഫെസ്റ്റിവലില്‍ 72 രാജ്യങ്ങളില്‍ നിന്നുള്ള 350 കലാകാരന്മാര്‍ പങ്കെടുക്കുന്ന പരിപാടിയില്‍, ഫൈന്‍ ആര്‍ട്‌സ്, വിശ്വല്‍ ആര്‍ട്‌സ് മേഖലയിലെ കഴിവുകള്‍ ഇവര്‍ ലോകത്തിന് മുന്നില്‍ പ്രദര്‍ശിപ്പിക്കും. ഫെസ്റ്റിവലിന്റെ ഭാഗമായി വൈവിധ്യങ്ങളായ പതിനാല് പരിപാടികളാണ് നടക്കുന്നത്. ആയിരത്തിലേറെ കലാസൃഷ്ടികളുമായി നടത്തുന്ന ശില്‍പ പ്രദര്‍ശനമാണ് ഇതില്‍ ഏറെ ശ്രദ്ധേയമായ ഒന്ന്. പാനല്‍ ചര്‍ച്ചകള്‍, ശില്പശാലകള്‍, ലൈവ് പെയിന്റിങ്, കള്‍ചറല്‍ ടൂറുകള്‍, സംഗീത നിശകള്‍ എന്നിവയും ഫെസ്റ്റിവലിന്റെ ഭാഗമായി സംഘടിപ്പിക്കുന്നുണ്ട്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക

Get ready for the 6th Katara International Art Festival in Qatar, happening from November 25 to 30. This prestigious event showcases stunning artworks, inspiring creativity and cultural exchange.