ന്യൂഡല്‍ഹി: വിദ്യാഭ്യാസ സ്ഥാപനങ്ങളിലെ ഹിജാബ് നിരോധനം ശരിവെച്ച കര്‍ണാടക ഹൈക്കോടതി വിധി ചോദ്യം ചെയ്തുള്ള ഹരജിയില്‍ സുപ്രിം കോടതി കര്‍ണാടക സര്‍ക്കാറിന് നോട്ടിസ് അയച്ചു.

അതേസമയം, കേസ് നീട്ടിവെക്കണമെന്ന ഹരജിക്കാരില്‍ ചിലരുടെ ആവശ്യം ജസ്റ്റിസ് ഹേമന്ദ് ഗുപ്ത ജസ്റ്റിസ് സുധാന്‍ശു ധുലിയ എന്നിവരടങ്ങിയ ബെഞ്ച് നിരസിച്ചു. 'ഫോറം ഷോപ്പിങ്' അനുവദിക്കില്ലെന്ന് കോടതി ചൂണ്ടിക്കാട്ടി.

നേരത്തെ വാദം കേള്‍ക്കണമെന്ന് ആവശ്യപ്പെട്ട ഹരജി മാറ്റിവെക്കണമെന്ന് പറയുന്നത് അംഗീകരിക്കാനാവില്ലെന്ന് സുപ്രിം കോടതി പറഞ്ഞു. കേസ് സെപ്തംബര്‍ അഞ്ചിന് വീണ്ടും പരിഗണിക്കും.