കോഴിക്കോട്: മദ്‌റസകളുടെ പ്രവർത്തനസമയത്തെ ബാധിക്കുംവിധം സ്‌കൂൾ പ്രവർത്തന സമയത്തിൽ മാറ്റം വരുത്തിയ സർക്കാർ നടപടിക്കെതിരേ ശക്തമായ പ്രക്ഷോഭം സംഘടിപ്പിക്കാൻ സമസ്ത കേരള മദ്‌റസ മാനേജ്‌മെന്റ് അസോസിയേഷൻ സംസ്ഥാന പ്രവർത്തക സമിതി യോഗം തീരുമാനിച്ചു. പ്രക്ഷോഭ പ്രഖ്യാപന സമ്മേളനം 10ന് രാവിലെ 10ന് കോഴിക്കോട് ടൗൺഹാളിൽ പാണക്കാട് ഹമീദലി ശിഹാബ് തങ്ങൾ സമ്മേളനം ഉദ്ഘാടനം ചെയ്യും. സമസ്ത വിദ്യാഭ്യാസ ബോർഡ് ജനറൽ സെക്രട്ടറി എം.ടി അബ്ദുല്ല മുസ്‍ലിയാർ സമരപ്രഖ്യാപനം നടത്തും. എസ്.കെ.എം.എം.എ സംസ്ഥാന പ്രസിഡന്റ് കെ.ടി ഹംസ മുസ്‍ലിയാർ അധ്യക്ഷനാകും. സമ്മേളനത്തോടനുബന്ധിച്ച് വഖ്ഫ് ആക്ടുമായി ബന്ധപ്പെട്ട് അഡ്വ. ഹാരിസ് ബീരാൻ എം.പി മുഖ്യപ്രഭാഷണം നടത്തും.

ALSO READ: സംസ്ഥാനത്ത് ഇന്നും ശക്തമായ മഴക്ക് സാധ്യത; രണ്ട് ജില്ലകളില്‍ ഓറഞ്ച് അലര്‍ട്ട്

റോഡ് വികസനം നടന്നുവരുന്ന ദേശീയപാതയിൽ വഖ്ഫ് സ്ഥലങ്ങൾ നഷ്ടപ്പെട്ട പള്ളി, മദ്‌റസ സ്ഥാപനങ്ങൾക്ക് നൽകപ്പെട്ട നഷ്ടപരിഹാരത്തുക അതാത് വഖ്ഫ് സ്വത്തുക്കൾ കൈകാര്യം ചെയ്യുന്ന മുതവല്ലി, കമ്മിറ്റി പ്രതിനിധികൾക്ക് ലഭ്യമാക്കാനാവശ്യമായ നടപടികൾ വഖ്ഫ് ബോർഡ് ത്വരിതപ്പെടുത്തണം. സമസ്തയുടെ മുഖപത്രമായ സുപ്രഭാതം വാർഷിക കാംപയിൻ വിജയിപ്പിക്കാനും യോഗം തീരുമാനിച്ചു.  

ALSO READ: സഹകരണ സംഘങ്ങളെ 'ലാഭത്തിലാക്കാൻ കുറുക്കുവഴി'; കുടിശികയ്ക്ക് റിസർവ് ഫണ്ട് കുറച്ച് സർക്കാർ

യോഗത്തിൽ പ്രസിഡന്റ് കെ.ടി ഹംസ മുസ്‌ലിയാർ വയനാട് അധ്യക്ഷനായി. എം.എസ് തങ്ങൾ മദനി കാസർകോട് പ്രാർഥന നിർവഹിച്ചു. സെക്രട്ടറി കെ.എം കുട്ടി ആറുമാസത്തെ പദ്ധതി അവതരണം നടത്തി. ഡോ. എൻ.എ.എം അബ്ദുൽഖാദർ, അബ്ദുസ്സമദ് പൂക്കോട്ടൂർ, കെ.പി.പി തങ്ങൾ കണ്ണൂർ, എ.പി.പി തങ്ങൾ കോഴിക്കോട്, അബ്ദുല്ല മാസ്റ്റർ കൊട്ടപ്പുറം, ത്രീ സ്റ്റാർ കുഞ്ഞിമുഹമ്മദ് ഹാജി, കെ.പി കോയ ഹാജി, പി.കെ ശാഹുൽഹമീദ് മാസ്റ്റർ മേൽമുറി, അഡ്വ. നാസർ കാളംപാറ, ഇബ്‌നു ആദം കണ്ണൂർ, സിയാദ് ചെമ്പറക്കി എറണാകുളം, കൊടക് അബ്ദുറഹിമാൻ മുസ്‌ലിയാർ, അബ്ദുൽഖാദിർ അൽ ഖാസിമി, കെ.ടി ഹുസൈൻകുട്ടി മൗലവി, എം.പി അലവി മൗലവി പള്ളംകോട്, അബ്ദുൽഖാദിർ ഫൈസി, അബ്ബാസ് ഫൈസി വാരാമ്പറ്റ, എ.കെ.കെ മരക്കാർ, കെ.എസ് ശരീഫ് കുട്ടി ഹാജി കോട്ടയം, സി.പി.എം ബഷീർ ഹാജി, ഒ.എം ഷരീഫ് ദാരിമി കോട്ടയം, ഷഹീർ ദേശമംഗലം, എൻ.ടി.സി മജീദ്, കമാൽ മാക്കിയിൽ, എം.എച്ച് മൊയ്തീൻ ഹാജി മംഗലാപുരം, റിയാസ് അലി എം. നെല്ലായ, ബഷീർ ബെളിഞ്ചിയം, ഒ.സി ഹനീഫ്, എ.കെ ആലിപ്പറമ്പ്, ബദ്‌റുദ്ദീൻ ആലപ്പുഴ, ത്വാഹ പുറക്കാട് സംസാരിച്ചു. ജനറൽ സെക്രട്ടറി പുത്തനഴി മൊയ്തീൻ ഫൈസി  സ്വാഗതവും വർക്കിങ് സെക്രട്ടറി കെ.കെ.എസ് തങ്ങൾ വെട്ടിച്ചിറ നന്ദിയും പറഞ്ഞു.