തൃശൂര്‍: അപകടത്തില്‍ പരുക്കേറ്റ് തൃശൂര്‍ മെഡിക്കല്‍ കോളജ് ആശുപത്രിയിലെത്തിച്ച കൊവിഡ് രോഗിയെ അഡ്മിറ്റ് ചെയ്യാന്‍ അധികൃതര്‍ വിസമ്മതിച്ചെന്ന് പരാതി. തൃശൂര്‍ വേലുപാടം സ്വദേശി ജോസിനാണ് അഡ്മിറ്റ് നിഷേധിച്ചത്.

തിങ്കളാഴ്ച വൈകീട്ട് അഞ്ചരയ്ക്കാണ് ബന്ധുക്കള്‍ ജോസിനേയും കൊണ്ട് ആശുപത്രിയിലെത്തിയത്.അപകടത്തില്‍ വാരിയെല്ലിനും കാലിനും പൊട്ടലേറ്റ ജോസിനെ രണ്ട് മണിക്കൂറോളം ആംബുലന്‍സില്‍ തന്നെ കിടത്തിയെന്നും ബന്ധുക്കള്‍ ആരോപിച്ചു.

അതേസമയം, സംഭവം വിവാദമായതോടെ ജോസിനെ ആശുപത്രിയില്‍ പ്രവേശിപ്പിച്ചു.രണ്ട് ദിവസം മുമ്പായിരുന്നു അപകടം. അതിനും ശേഷം ഇദ്ദേഹത്തെ ഒരു സ്വകാര്യ ആശുപത്രിയില്‍ പ്രവേശിപ്പിച്ചിരുന്നു.