വടകര: പ്രഥമ അന്തര്‍ജില്ലാ വോളിബോള്‍ ചാംപ്യന്‍ഷിപ്പ് ജില്ല നേടിയതിനു നാലര പതിറ്റാണ്ടു തികയുന്നതിന്റെ ഭാഗമായി ടീം അംഗങ്ങള്‍ 'ഒത്തുചേരല്‍, ഓര്‍മ പുതുക്കല്‍' പരിപാടി സംഘടിപ്പിക്കുന്നു. 28നു വൈകിട്ടു മൂന്നിന് ഹോട്ടല്‍ ഗായത്രിയില്‍ നടക്കുന്ന പരിപാടി മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. നഗരസഭാധ്യക്ഷന്‍ കെ. ശ്രീധരന്‍ അധ്യക്ഷനാകും.
മുന്‍ വോളിബോള്‍ താരം കൂടിയായ സി.കെ നാണു എം.എല്‍.എ മുഖ്യപ്രഭാഷണം നടത്തും. പതിനൊന്നംഗ ടീമില്‍ രണ്ടുപേര്‍ ഒഴികെയുള്ളവര്‍ ഒത്തുചേരലില്‍ പങ്കെടുക്കും. ഇ. അച്യുതന്‍നായര്‍, എം.കെ മാനുവല്‍, ടി.എ ഗോപിനാഥന്‍, കെ.വി ഭാസി എന്നിവര്‍ അനുഭവം പങ്കുവയ്ക്കുമെന്നു  സംഘാടകരായ ആര്‍. രാഗേഷ്, കെ.പി സുനില്‍കുമാര്‍ അറിയിച്ചു.